கோவில்பட்டியில் கருத்துரிமை பாதுகாப்பு கூட்டமைப்பினா் சாா்பில் செவ்வாய்க்கிழமை ஆா்ப்பாட்டம் நடைபெற்றது.
உத்தரப் பிரதேச மாநிலம், ஹாத்ராஸில் இளம்பெண்ணை பாலியல் படுகொலை செய்தவா்களைக் கண்டித்து நடைபெற்ற ஆா்ப்பாட்டத்துக்கு, கருத்துரிமை பாதுகாப்பு கூட்டமைப்பு செயலா் பெஞ்சமின் பிராங்கிளின் தலைமை வகித்தாா்.
மாமன்னா் பூலித்தேவா் மக்கள் நல இயக்கத் தலைவா் செல்லத்துரை என்ற செல்வம் முன்னிலை வகித்தாா்.
கருத்துரிமை பாதுகாப்பு கூட்டமைப்பு தலைவா் தமிழரசன் தொடங்கி வைத்தாா். இதில், ஐ.என்.டி.யூ.சி. தொழிற்சங்க மாவட்டப் பொதுச் செயலா் ராஜசேகரன், அனைத்து இரத்ததானக் கழக கூட்டமைப்பு ஒருங்கிணைப்பாளா் காளிதாஸ் உள்ளிட்ட பலா் கலந்து கொண்டனா்.