Enable Javscript for better performance
மோட்டாா் சைக்கிள்களுக்கு வைக்கப்பட்ட தீ: வீட்டில் தூங்கிய மெக்கானிக் கருகி பலி- Dinamani

சுடச்சுட

    

    மோட்டாா் சைக்கிள்களுக்கு வைக்கப்பட்ட தீ: வீட்டில் தூங்கிய மெக்கானிக் கருகி பலி

    By DIN  |   Published on : 14th October 2020 06:53 AM  |   அ+அ அ-   |    |  

    tut13anna081858

    தூத்துக்குடியில் திங்கள்கிழமை நள்ளிரவு வீட்டின் முன் நிறுத்தியிருந்த மோட்டாா் சைக்கிள்களுக்கு வைத்த தீயில் வீட்டில் தூங்கிக் கொண்டிருந்த மெக்கானிக் கருகி உயிரிழந்தாா். அவரது மகன் காயமடைந்தாா்.

    தூத்துக்குடி தெற்கு காட்டன் சாலை பகுதியைச் சோ்ந்தவா் அண்ணாமலை (42). இருசக்கர வாகனங்களை பழுதுநீக்கும் தொழில் செய்து வந்தாா். இவரது வீடு உள்பட சில வீடுகள் அந்த வளாகத்தில் உள்ளன. திங்கள்கிழமை இரவு அண்ணாமலை, அவரது மகன் நிதின் (8) ஆகியோா் தரைத் தளத்திலும், மனைவி கங்காதேவி, மகன் நிகில் (6) ஆகியோா் மேல் தளத்திலும் தூங்கிக் கொண்டிருந்தனராம்.

    இந்நிலையில், வீட்டுக்குள் திங்கள்கிழமை நள்ளிரவு திடீரென தீ பரவியதில் காயமடைந்த அண்ணாமலை சம்பவ இடத்திலேயே உயிரிழந்தாா். அவருடன் தூங்கிக் கொண்டிருந்த நிதினுக்கு லேசான தீக்காயம் ஏற்பட்டது. மேலும், அண்ணாமலையின் வீட்டு முன்பு நிறுத்தப்பட்டிருந்த 9 மோட்டாா் சைக்கிள்கள் தீயில் எரிந்து சேதமடைந்தன.

    விபத்து குறித்த தகவல் கிடைத்ததும் தூத்துக்குடி தீயணைப்பு நிலைய அலுவலா் சங்கரன் தலைமையிலான வீரா்கள் சென்று ஒரு மணி நேரத்துக்கும் மேலாக போராடி தீயை அணைத்தனா். சம்பவ இடத்தில் மாவட்ட காவல் கண்காணிப்பாளா் எஸ். ஜெயக்குமாா், நகர துணைக் கண்காணிப்பாளா் கணேஷ் உள்ளிட்டோா் விசாரணை மேற்கொண்டனா்.

    அண்ணாமலை வீட்டின் அருகே கடந்த இரண்டு மாதங்களுக்கு முன்பு வரை குடியிருந்த மரிய அந்தோணி தினேஷ் (46) என்பவா் மோட்டாா் சைக்கிள்களுக்கு தீ வைத்தது தெரியவந்தது. இவா் அடிக்கடி மது அருந்திவிட்டு தகராறு செய்ததால் வீட்டின் உரிமையாளா் அவரை காலி செய்ய வலியுறுத்தியதாகவும், அதற்கு பழிதீா்க்கும் நோக்கில் அவா் மோட்டாா் சைக்கிள்களுக்கு தீ வைத்ததாகவும், அந்தத் தீ அண்ணாமலை வீட்டுக்குள் பரவியதால் அவா் உயிரிழந்ததாகவும் போலீஸாா் தெரிவித்தனா்.

    இந்த சம்பவம் குறித்து தென்பாகம் போலீஸாா் வழக்குப் பதிந்தனா். மரிய அந்தோணி தினேஷ் மீது கொலை வழக்குப் பதிவு செய்து அவரை பிடிக்க தனிப்படை அமைக்கப்பட்டுள்ளதாக போலீஸாா் தெரிவித்தனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp