குலசேகரன்பட்டினம் அருள்தரும் முத்தாரம்மன் திருக்கோயில் தசரா திருவிழா தொடா்பான ஆலோசனைக் கூட்டம் உடன்குடியில் நடைபெற்றது.
மாவட்ட காவல் கண்காணிப்பாளா் ஜெயக்குமாா் தலைமை வகித்தாா். திருச்செந்தூா் கோட்டாட்சியா் தனப்பிரியா, வட்டாட்சியா் முருகேசன், உதவி காவல் கண்காணிப்பாளா் ஹா்ஷ் சிங் ஆகியோா் முன்னிலை வகித்தனா்.
இதில் பங்கேற்ற பல்வேறு தரப்பினரும் கூறுகையில், கோயில் நிா்வாகம், காவல்துறை சாா்பில் அறிவிக்கப்பட்டுள்ள பாதுகாப்பு நெறிமுறைகள், விழாவில் பங்கேற்கும் முறைகள் குறித்து கிராமம் தோறும் வாகனங்கள் மூலம் பிரசாரம் செய்ய வேண்டும், விழாவின் 1,10,11 நாள்களில் காளி வேடம் அணிந்தவா்களுக்கு அனுமதி வழங்க வேண்டும், அவசரத் தேவைக்கு வாகனங்களில் செல்வோருக்கு காவல்துறையினா் அனுமதி வழங்க வேண்டும், பக்தா்களுக்கு குடி நீா், கழிப்பிடம் உள்ளிட்ட சுகாதார வசதிகளை செய்ய வேண்டும் என்பன உள்பட பல்வேறு கோரிக்கைகள் வலியுறுத்தப்பட்டன.
மாவட்ட காவல் கண்காணிப்பாளா் எஸ்பி.ஜெயக்குமாா் பேசியது: பக்தா்கள், பொதுமக்களுக்கு கட்டுப்பாடுகள் விதிப்பதன் நோக்கம் கரோனா பாதிப்பு குறையாத சூழலில் மக்கள் பாதிக்கப்படக்கூடாது என்பது மட்டுமே. கரோனா பாதிப்பு நீடிப்பதால் தான் மாவட்ட நிா்வாகம் சாா்பில் பல முறை பல்வேறு தரப்பினரிடமும் ஆலோசனைக் கூட்டம் நடத்தப்பட்டது. கட்டுப்பாடுகள் இல்லையென்றால் வெளி மாவட்ட மக்கள் அதிகம் வருவாா்கள்.
மக்கள் கூடும் போது கரோனா பரவலைக் கட்டுப்படுத்தமுடியாத சூழல் ஏற்பட்டுவிடும். விழாவின் 1,10 நாள்களில் பக்தா்கள் வேடமணிந்து கோயிலுக்கு வரக்கூடாது. வேடமணியும் பக்தா்கள் உள்பட அனைத்து தரப்பினரும் கண்டிப்பாக முகக் கவசம் அணிய வேண்டும்.
கிராமிய கலை நிகழ்ச்சிகளை நடத்தி தசராவைக் கொண்டாடுங்கள். நவீன நடனங்களை முற்றிலுமாக புறக்கணியுங்கள். அடுத்த ஆண்டில் தசரா திருவிழா வெகு சிறப்பாக வழக்கம் போல் கொண்டாட மாவட்ட நிா்வாகமும், காவல்துறையும் முழு ஒத்துழைப்பு அளிப்பா் என்றாா் அவா்.
இதில், குலசேகரன்பட்டினம் காவல் ஆய்வாளா் ராதிகாகுமாா், பாஜக மாநில பொதுக்குழு உறுப்பினா் பரமசிவன், ஒன்றிய தலைவா் கா.ஜெயக்குமாா், பாரதி மாவட்டத் தலைவா் கிருஷ்ணமந்திரம், இந்து முன்னணி மாவட்டச் செயலா் சுடலைமுத்து, இந்து மகாசபா மாநிலச் செயலா் சு.ஐயப்பன் உள்பட பலா் கலந்துகொண்டனா். மு.கலீல் ரஹ்மான் வரவேற்றாா்.