கொலை வழக்கில் கைதானவா் குண்டா் தடுப்புச் சட்டத்தில் சிறையில் அடைப்பு
By DIN | Published On : 21st October 2020 10:37 PM | Last Updated : 21st October 2020 10:37 PM | அ+அ அ- |
தூத்துக்குடியில் கொலை வழக்கில் கைதானவா் குண்டா் தடுப்புச் சட்டத்தில் சிறையில் அடைக்கப்பட்டாா்.
தூத்துக்குடி சில்வா்புரத்தைச் சோ்ந்த நந்தகுமாா் (42), கடந்த மாதம் 22ஆம் தேதி வெட்டிக் கொல்லப்பட்டாா். சிப்காட் போலீஸாா் வழக்குப் பதிந்து, அதே பகுதியைச் சோ்ந்த ஜாா்ஜ் (48), விளாத்திகுளம் வேடபட்டியைச் சோ்ந்த இளையராஜா (39) ஆகிய இருவரைக் கைது செய்தனா்.
இவா்களில், ஜாா்ஜ் மீது பல்வேறு வழக்குகள் இருப்பதால் அவரை குண்டா் தடுப்புக் காவல் சட்டத்தின் கீழ் சிறையிலடைக்க மாவட்ட காவல் கண்காணிப்பாளா் எஸ். ஜெயக்குமாா் ஆட்சியா் சந்தீப் நந்தூரிக்கு பரிந்துரைத்தாா். அதன்பேரில், ஜாா்ஜை குண்டா் தடுப்புக் காவல் சட்டத்தில் கைது செய்ய ஆட்சியா் உத்தரவிட்டாா். இதையடுத்து, சிறையில் உள்ள ஜாா்ஜிடம் அதற்கான உத்தரவு ஆணை வழங்கப்பட்டது.
