பருவமழைக்கு முன்பாக குளங்களை தூா்வாரக் கோரி திருச்செந்தூா், சத்தான்குளத்தில் விடுதலைச் சிறுத்தைகள் கட்சி சாா்பில் ஆா்ப்பாட்டம் நடைபெற்றது.
திருச்செந்தூா், சாத்தான்குளம், ஸ்ரீவைகுண்டம், ஏரல் ஆகிய வட்ட பகுதியில் உள்ள குளம், குட்டை, ஊருணி, பாசனக்கால்வாய் உள்ளிட்டவை பருவமழை தொடங்குவதற்கு முன் தூா்வாரி பராமரிப்பு செய்ய வேண்டும். மாவட்டத்தில் உள்ள சேதமான அனைத்து சாலைகளையும் போா்க்கால அடிப்படையில் சீரமைக்க நடவடிக்கை எடுக்க வேண்டும். தாமிரவருணி, கருமேனி ஆற்றில் ஒரு கிலோ மீட்டா் தூரத்துக்கு தடுப்பணை கட்டி கடலில் வீணாக கலக்கும் நீரை சேமித்து நிலத்தடி நீரை பாதுகாக்க நடவடிக்கை எடுக்க வேண்டும் என்பள உள்பட பல கோரிக்கைகளை வலியுறுத்தி தூத்துக்குடி தெற்கு மாவட்ட விடுதலைச் சிறுத்தைகள் கட்சி சாா்பில் ஆா்ப்பாட்டம் நடைபெற்றது.
திருச்செந்தூரில் நடைபெற்ற இந்த ஆா்ப்பாட்டத்துக்கு பேரவைத் தொகுதிச் செயலா் பொ.வெற்றிவேந்தன் தலைமை வகித்தாா். நாடாளுமன்ற தொகுதிச் செயலா் ராஜ்குமாா், உடன்குடி ஒன்றியச் செயலா் த.தமிழ்வாணன் உள்பட பலா் கலந்து கொண்டனா். தொடா்ந்து துணை வட்டாட்சியா் கோபாலிடம் கோரிக்கை மனு வழங்கப்பட்டது.
சாத்தான்குளத்தில் நடைபெற்ற ஆா்ப்பாட்டத்துக்கு மாவட்ட விவசாய தொழிலாளா் விடுதலை இயக்க அமைப்பாளா் சுகுமாரன் தலைமை வகித்தாா். இதில், தூத்துக்குடி தெற்கு மாவட்டச் செயலா் முரசுதமிழப்பன் உள்பட பலா் கலந்து கொண்டனா்.