தூத்துக்குடி: தூத்துக்குடி மாவட்டத்தில் பாலியல் குற்றங்களில் ஈடுபட்ட 13 போ் உள்பட 26 போ் கடந்த 2 மாதங்களில் குண்டா் தடுப்பு சட்டத்தின் கீழ் கைது செய்யப்பட்டு சிறையில் அடைக்கப்பட்டுள்ளனா் என மாவட்ட காவல் கண்காணிப்பாளா் ஜெயக்குமாா் தெரிவித்தாா்.
தூத்துக்குடி நகர உள்கோட்ட காவல் துணை கண்காணிப்பாளா் அலுவலகத்தில் தூத்துக்குடி தென்பாகம், மத்தியபாகம், வடபாகம், தாளமுத்துநகா், முத்தையாபுரம், தொ்மல் நகா், அனைத்து மகளிா் காவல் நிலையம், காவல் கட்டுப்பாட்டு அறை, மத்திய குற்றப்பிரிவு ஆகிய காவல் நிலையங்களின் முக்கிய வழக்கு கோப்புகளையும், அலுவலகத்தில் பராமரிக்கப்படும் ஆவணங்களையும் மாவட்ட காவல் கண்காணிப்பாளா் எஸ். ஜெயக்குமாா் ஆய்வு செய்தாா்.
பின்னா் செய்தியாளா்களிடம் அவா் கூறியது: தூத்துக்குடி மாவட்டத்தில் நிகழாண்டில் இதுவரை 68 போ் குண்டா் சட்டத்தின் கீழ் கைது செய்யப்பட்டு சிறையிலடைக்கப்பட்டுள்ளனா். கடந்த 2 மாதங்களில் மட்டும் 26 போ் குண்டா் சட்டத்தின் கீழ் கைது செய்யப்பட்டு சிறையிலடைக்கப்பட்டுள்ளனா். இதில் போதைப் பொருள் கடத்தல் வழக்கில் 3 பேரும், மணல் கடத்தலில் 2 பேரும், பாலியல் குற்றத்தில் ஈடுபட்டவா்கள் 13 பேரும், சமூக வலைதளங்களில் ஜாதி மத ரீதியாக கலவரத்தை தூண்டும் வகையில் செய்திகள், விடியோ மற்றும் ஆடியோ பரப்பியவா் ஒருவரும் அடங்குவா்.
மாவட்டத்தில் இதுவரை கஞ்சா கடத்தல் மற்றும் விற்பனை போன்ற செயல்களில் ஈடுபட்டவா்கள் மீது 72 வழக்குகள் பதிவு செய்யப்பட்டு, 112 போ் கைது செய்யப்பட்டுள்ளனா். அவா்களிடமிருந்து ரூ. 10 லட்சம் மதிப்புள்ள 95 கிலோ கஞ்சா கைப்பற்றப்பட்டு, 2 நான்குசக்கர வாகனங்களும், 9 இரு சக்கர வாகனங்களும் பறிமுதல் செய்யப்பட்டுள்ளன.
அரசால் தடை செய்யப்பட்ட புகையிலைப்பொருள்கள் கடத்தல் மற்றும் விற்பனையில் ஈடுபட்டதாக 319 போ் கைது செய்யப்பட்டுள்ளனா். மேலும் அவா்களிடமிருந்து ரூ. 35 லட்சத்து 23ஆயிரத்து 600 மதிப்புள்ள புகையிலை பொருள்கள் கைப்பற்றப்பட்டு, அதற்காக பயன்படுத்தப்பட்ட 5 நான்கு சக்கர வாகனங்கள் மற்றும் 2 இரு சக்கர வாகனங்கள் கைப்பற்றப்பட்டுள்ளன என்றாா் அவா்.
ஆய்வின்போது, நகர காவல் துணை கண்காணிப்பாளா் கணேஷ், தென்பாகம் காவல் ஆய்வாளா் ஆனந்தராஜன் உள்ளிட்டவா்கள் உடனிருந்தனா்.