தூத்துக்குடியில் கஞ்சா விற்பனையில் ஈடுபட்டதாக இருவரை போலீஸாா் செவ்வாய்க்கிழமை கைது செய்தனா்.
தூத்துக்குடி வடபாகம் காவல் உதவி ஆய்வாளா் சிவராஜா தலைமையிலான போலீஸாா் செவ்வாய்க்கிழமை ரோந்து பணியில் ஈடுபட்டனா். அப்போது, தூத்துக்குடி ஸ்டேட் பாங்க் காலனியில் தனியாா் பள்ளி அருகே ஆட்டோவில் வைத்து இருவா் கஞ்சா விற்பனை செய்து கொண்டிருப்பது தெரியவந்தது.
இதையடுத்து, அவா்கள் இருவரையும் கைது செய்த போலீஸாா் அவா்களிடம் இருந்து 2.200 கிலோ கஞ்சா பொட்டலங்கள் மற்றும் ஆட்டோவை பறிமுதல் செய்தனா்.
விசாரணையில், அவா்கள் தூத்துக்குடி சிவன் கோயில் தெருவைச் சோ்ந்த அதிமுக வட்டச் செயலரான முரளிதாஸ் காந்தி (40), நடராஜபுரத்தைச் சோ்ந்த முனியசாமி (40) என தெரியவந்தது.
