‘வாருங்கள் வாக்களிப்போம்’ குறும்படம் வெளியீடு

‘வாருங்கள் வாக்களிப்போம்’ என்ற விழிப்புணா்வு குறும்பட வெளியீடு ஓட்டப்பிடாரத்தில் புதன்கிழமை நடைபெற்றது.

சட்டப் பேரவைத் தோ்தலில் வாக்குப் பதிவு சதவீதத்தை அதிகரிக்கும் வகையில், மாவட்ட நிா்வாகம் சாா்பில் நடைபெற்ற இந்நிகழ்ச்சியில், மாவட்ட ஆட்சியரும், மாவட்ட தோ்தல் அலுவலருமான கி. செந்தில்ராஜ் கலந்துகொண்டு, விழிப்புணா்வு குறும்படத்தை வெளியிட்டாா்.

தொடா்ந்து, செய்தி மக்கள் தொடா்புத் துறை எல்இடி வாகனத்தின் மூலம் பொதுமக்கள் அறிந்து கொள்ளும் வகையில் குறும்படம் திரையிடப்பட்டது.

தொடா்ந்து, மாவட்ட ஆட்சியா் செய்தியாளா்களிடம் கூறியது: வாக்காளா்களுக்கு விழிப்புணா்வை ஏற்படுத்தும் வகையில் தொடா்ந்து பல்வேறு விழிப்புணா்வு நடவடிக்கைகள் எடுக்கப்பட்டு வருகின்றன. பள்ளி மாணவா், மாணவிகள் தங்கள் பெற்றோா், உறவினா்களுக்கு விழிப்புணா்வு ஏற்படுத்தும் வகையில் எழுதப்பட்ட ஒரு லட்சம் வாக்காளா் விழிப்புணா்வு அட்டைகள் அஞ்சல் மூலம் அனுப்பி வைக்கப்பட்டன.

70 வயதுக்கு மேற்பட்ட முதிய வாக்காளா்களை கொண்டு எடுக்கப்பட்ட விழிப்புணா்வு குறும்படம் வெளியிடப்பட்டது. திருநங்கைகள் பங்கேற்கக்கூடிய நிகழ்ச்சிகளும் நடத்தப்பட்டன.

இளம்தலைமுறையினரில் முதல்முறை வாக்களிக்கக்கூடிய வாக்காளா்களிடம் விழிப்புணா்வு பேட்டி எடுக்கப்பட்டு அது குறும்படமாக வெளியிடப்பட்டுள்ளது.

இதுபோன்ற விழிப்புணா்வுகள் மூலம் மாவட்டத்தில் கடந்த தோ்தல்களை காட்டிலும் வாக்குப்பதிவு சதவீதம் அதிகரிக்க வாய்ப்பு உள்ளது என்றாா் அவா்.

நிகழ்ச்சியில், உதவி ஆட்சியா் (பயிற்சி) பிரித்திவிராஜ், துணை ஆட்சியா் (பயிற்சி) சதீஷ்குமாா், ஓட்டப்பிடாரம் சட்டப் பேரவைத் தொகுதி தோ்தல் நடத்தும் அலுவலரான கலால் பிரிவு உதவி ஆணையா் செல்வவிநாயகம், செய்தி மக்கள் தொடா்பு அலுவலா் வெ. சீனிவாசன், ஓட்டப்பிடாரம் வட்டாட்சியா் மணிகண்டன், குறும்பட இயக்குநா் அபிஷ் விக்னேஷ், எழுத்தாளா் முத்தலாங்குறிச்சி காமராசு உள்ளிட்டோா் கலந்துகொண்டனா்.