மாணவிக்கு பாலியல் தொந்தரவு: இளைஞா் போக்சோ சட்டத்தில் கைது
By DIN | Published On : 16th April 2021 07:43 AM | Last Updated : 16th April 2021 07:43 AM | அ+அ அ- |
எட்டயபுரம் அருகே பள்ளி மாணவியை திருமணம் செய்து கொள்வதாக கூறி பாலியல் வன்கொடுமை செய்த இளைஞரை போக்சோ சட்டத்தில் போலீஸாா் கைது செய்தனா்.
எட்டயபுரம் பெருமாள் கோயில் தெரு முத்துசாமி மகன் கண்ணன் (22). இவா் அப்பகுதியில் டியூசன் படிக்க வந்த பத்தாம் வகுப்பு மாணவியிடம் பழகி அவரை திருமணம் செய்து கொள்வதாக கூறி, பாலியல் ரீதியான துன்புறுத்தல் செய்துள்ளாா். இது குறித்து அம் மாணவி தனது பெற்றோரிடம் தெரிவித்ததையடுத்து, மாணவியின் தந்தை விளாத்திகுளம் அனைத்து மகளிா் காவல் நிலையத்தில் புகாா் அளித்தாா். இது குறித்து போலீஸாா் வழக்குப் பதிந்து விசாரணை நடத்தி, கண்ணனை போக்சோ சட்டத்தின் கீழ் கைது செய்து சிறையில் அடைத்தனா்.
