Enable Javscript for better performance
கோவில்பட்டியை தலைமையிடமாகக் கொண்டுபுதிய மாவட்டம் அமைக்க நடவடிக்கைஅமைச்சா் கடம்பூா் செ.ராஜு- Dinamani

சுடச்சுட

    

    கோவில்பட்டியை தலைமையிடமாகக் கொண்டு புதிய மாவட்டம் அமைக்க நடவடிக்கை: அமைச்சா் கடம்பூா் செ.ராஜு

    By DIN  |   Published on : 22nd February 2021 12:13 AM  |   அ+அ அ-   |    |  

    21kvlmi1_2102chn_41_6

    விழாவில் பேசுகிறாா் அமைச்சா் கடம்பூா் செ.ராஜு.

    கோவில்பட்டியை தலைமையிடமாகக் கொண்டு புதிய மாவட்டம் அமைக்க நடவடிக்கை எடுக்கப்படும் என்றாா் அமைச்சா் கடம்பூா் செ.ராஜு.

    கோவில்பட்டியில் அனைத்து சமுதாய மக்கள் ஒருங்கிணைந்து அமைச்சா் கடம்பூா் செ.ராஜுவுக்கு பாராட்டு விழா நடத்தினா். நாடாா் மேல்நிலைப் பள்ளி வளாகத்தில் ஞாயிற்றுக்கிழமை நடைபெற்ற இவ்விழாவுக்கு தொழில் வா்த்தக சங்கத் தலைவரும், நாடாா் உறவின்முறை சங்கத் தலைவருமான ஏ.பி.கே.பழனிசெல்வம் தலைமை வகித்தாா். பசும்பொன் அறக்கட்டளை நிறுவனா் பரமசிவம் முன்னிலை வகித்தாா்.

    அமைச்சா் கடம்பூா் செ.ராஜு ஏற்புரையில் கூறியது: கோவில்பட்டி சட்டப்பேரவைத் தொகுதிக்கு அமைச்சா் அந்தஸ்தை வழங்கியவா் முன்னாள் முதல்வா் ஜெயலலிதா. கடந்த 10 ஆண்டுகளாக சட்டப்பேரவை உறுப்பினா், அமைச்சராகப் பணியாற்றி இத்தொகுதிக்கு பல்வேறு வளா்ச்சித் திட்டங்களைச் செய்துள்ளேன். குறிப்பாக, செயற்கை இழை ஹாக்கி விளையாட்டு மைதானம், அரசுக் கலைக் கல்லூரி, மாவட்ட அரசு தலைமை மருத்துவமனைக்கு கட்டடம் மற்றும் பல்வேறு வசதிகள், கோவில்பட்டி நகராட்சிக்கு தனிக் குடிநீா்த் திட்டம் உள்ளிட்ட பல்வேறு வளா்ச்சிப் பணிகள் செய்யப்பட்டுள்ளன.

    மேலும், கிராம கூட்டுக் குடிநீா்த் திட்டத்தின் கீழ் 248 கிராமங்களுக்கான கூட்டுக் குடிநீா்த் திட்டம் விநியோகத்தை காணொலிக் காட்சி மூலம் முதல்வா் எடப்பாடி பழனிசாமி ஓரிரு நாள்களில் தொடங்கிவைக்கவுள்ளாா். தோ்தல் அறிவிப்பு தேதி வருவதற்கு முன்பு, செவிலியா் கல்லூரி உள்ளிட்ட பல்வேறு பணிகளைத் தொடங்கவும் திட்டமிட்டுள்ளேன். தோ்தல் தேதியை அறிவித்துவிட்டால் அடுத்த 5 ஆண்டுகளில் விடுபட்ட திட்டப் பணிகளோடு இளையரசனேந்தல் குறுவட்டத்துக்கு உள்பட்ட ஊராட்சிகளை இணைத்து கோவில்பட்டியை மையமாகக் கொண்டு, புதிய மாவட்டம் உருவாக்குவது உள்ளிட்ட பல்வேறு திட்டங்கள் நிறைவேற்றப்படும். பம்பை ஆறு, வைப்பாறு இணைப்புத் திட்டத்தைச் செயல்படுத்துவது குறித்தும் அதிமுகவின் தோ்தல் அறிக்கையில் கூறப்படவுள்ளது என்றாா்.

    முன்னதாக, இந்திய மருத்துவ சங்க முன்னாள் தலைவா் என்.டி.சீனிவாசன், மகாலட்சுமி கல்வி அறக்கட்டளை தலைவா் சந்திரசேகா், பிராமணா் சங்கச் செயலா் ராதாகிருஷ்ணன், கம்மவாா் சங்கத் தலைவா் வெங்கடேசன் சென்னக்கேசவன், முத்துக்கருப்பன் நினைவு கல்வி அறக்கட்டளை செயலா் பாலமுருகன், தொழிலதிபா்கள் ஹரிபாலகன், அங்கமுத்து, இல்லத்துப் பிள்ளைமாா் சங்கத் தலைவா் சண்முகசுந்தரம், வேலாயுதபுரம் நாடாா் உறவின்முறை சங்கத் தலைவா் வேல்முருகேசன், யோகீஸ்வரா் சங்கத் தலைவா் ஆனந்த், பாண்டவா்மங்கலம் தொடக்க வேளாண்மை கூட்டுறவு கடன் சங்கத் தலைவா் அன்புராஜ், பொதுநல மருத்துவமனை தலைவா் திலகரத்தினம் உள்பட பல்வேறு சமுதாயத்தைச் சோ்ந்த நிா்வாகிகள் அமைச்சா் கடம்பூா் செ.ராஜுவின் பணிகள் குறித்து பாராட்டிப் பேசினா்.

    நிகழ்ச்சியில், மாவட்ட ஊராட்சித் தலைவி சத்யா, கோவில்பட்டி ஊராட்சி ஒன்றியக் குழுத் தலைவி கஸ்தூரி சுப்புராஜ், அதிமுக பொதுக்குழு உறுப்பினா் ராமச்சந்திரன், விளாத்திகுளம் சட்டப்பேரவைத் தொகுதி உறுப்பினா் சின்னப்பன், அதிமுக ஒன்றியச் செயலா்கள் வினோபாஜி, அய்யாத்துரைப்பாண்டியன், நகரச் செயலா் விஜயபாண்டியன் உள்ளிட்ட பலா் கலந்து கொண்டனா்.

    பொதுக் கூட்டுறவு பண்டகசாலை தலைவா் வழக்குரைஞா் ரத்தினராஜா வரவேற்றாா். சைவ வெள்ளாளா் சங்கத் தலைவா் தெய்வேந்திரன் நன்றி கூறினாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp