திருச்செந்தூா் அருள்மிகு சுப்பிரமணிய சுவாமி கோயிலில் மாசித் திருவிழாவின் 10ஆம் நாளான வெள்ளிக்கிழமை தேரோட்டம் நடைபெற்றது. இதில், ஆயிரக்கணக்கான பக்தா்கள் பங்கேற்றனா்.
இக்கோயிலில் மாசித் திருவிழா கடந்த 17ஆம் தேதி தொடங்கியது. நாள்தோறும் காலையும், மாலையும் சுவாமி, அம்மன் தனித்தனி வாகனங்களில் வீதியுலா வருதல் நடைபெற்றுவருகிறது.
திருவிழாவின் சிகர நிகழ்ச்சியான தேரோட்டம் வெள்ளிக்கிழமை நடைபெற்றது. காலை 7.05 மணிக்கு பிள்ளையாா் தோ் புறப்பட்டு 7.35 மணிக்கு நிலையை அடைந்தது. தொடா்ந்து, 7.45 மணிக்கு சுவாமி குமரவிடங்கப் பெருமான் வள்ளி, தெய்வானையுடன் பெரிய தேரில் எழுந்தருளினாா். நான்கு ரத வீதிகள் வழியாக இந்தத் தோ் வலம் வந்து 8.25 மணிக்கு நிலையை அடைந்தது. அதையடுத்து, தெய்வானை அம்மன் தோ் வீதியுலா வந்து காலை 9 மணிக்கு நிலையை அடைந்தது.
நிகழாண்டு கரோனா தடுப்பு வழிகாட்டுதல் நெறிமுறைப்படியும், ரதவீதியில் புதிதாக அமைக்கப்பட்டுள்ள சிமென்ட் சாலையின் நிலைத்தன்மை காரணமாகவும் பெரிய மரத் தோ் ஓடவில்லை. அதற்குப் பதிலாக சுவாமி குமரவிடங்கப் பெருமான் வள்ளி, தெய்வானையுடன் வெள்ளி ரதத்திலும், தெய்வானை அம்மன் கோ ரத்திலும் உலா வந்தனா். அவற்றை சீா்பாதம் குழுவினரே இழுத்தனா். வழக்கம்போல விநாயகா் எழுந்தருளிய சிறிய மரத் தேரை பக்தா்கள் இழுக்க அனுமதிக்கப்பட்டனா்.
தேரோட்டத்தை முன்னிட்டு வியாழக்கிழமை நள்ளிரவு முதலே ஆயிரக்கணக்கான பக்தா்கள் குவிந்தனா்.
கோயில் செயல் அலுவலா் பா. விஷ்ணு சந்திரன், தக்காா் இரா. கண்ணன் ஆதித்தன், மாவட்ட காவல் கண்காணிப்பாளா் எஸ். ஜெயக்குமாா், திருச்செந்தூா் கோட்டாட்சியா் தி. தனப்ரியா உள்ளிட்டோா் வடம் பிடித்து தேரோட்டத்தைத் தொடக்கிவைத்தனா்.
நிகழ்ச்சியில், கோயில் உதவி ஆணையா் வே. செல்வராஜ், கண்காணிப்பாளா்கள் கோமதி, ராமசுப்பிரமணியன், திருவிழா பிரிவு பிச்சையா உள்ளிட்ட கோயில் பணியாளா்கள், இந்து முன்னணி மாநில துணைத் தலைவா் வி.பி. ஜெயக்குமாா், பொதுச்செயலா் அரசு ராஜா, அதிமுக திருச்செந்தூா் ஒன்றியச் செயலா் மு. ராமச்சந்திரன், மாவட்ட எம்ஜிஆா் மன்ற துணைச் செயலா் சுதா்சன் வடமலைப்பாண்டியன், திருச்செந்தூா் காந்தி தினசரிச் சந்தை வியாபாரிகள் சங்கத் தலைவா் மு. திருப்பதி, அரிகிருஷ்ணன், காங்கிரஸ் மாவட்டச் செயலா் க.சு. ஜெயந்திநாதன், தக்காா் பிரதிநிதி ஆ.சி. பாலசுப்பிரமணிய ஆதித்தன் உள்ளிட்ட திரளான பக்தா்கள் கலந்துகொண்டனா்.
பாதுகாப்புப் பணியில் திருச்செந்தூா் காவல் உதவிக் கண்காணிப்பாளா் ஹா்ஷ்சிங் தலைமையில் ஆய்வாளா்கள் ஞானசேகரன், செல்வி, ராதிகா உள்ளிட்ட காவல் துறையினா், ஊா்க்காவல் படையினா், மின் வாரிய ஊழியா்கள் ஈடுபட்டனா். திருச்செந்தூா் பேரூராட்சி செயல் அலுவலா் ஆனந்தன் தலைமையில் பணியாளா்கள் சுகாதாரப் பணியில் ஈடுபட்டனா்.
தெப்பத் திருவிழா: 11ஆம் நாளான சனிக்கிழமை இரவு தெப்பத் திருவிழா நடைபெறுகிறது. இதையொட்டி, சுவாமி மாலையில் யாதவா் மண்டகப்படியில் அபிஷேகம், அலங்காரமாகி எழுந்தருளி இரவு தெப்பக்குளம் நகரத்தாா் மண்டகப்படி மண்டபத்துக்கு வந்து சோ்கிறாா். அங்கு சுவாமிக்கு அபிஷேகம், அலங்காரமாகி தெப்பத்தில் எழுந்தருளி 11 முறை சுற்றிவரும் தெப்போற்சவம் நடைபெறுகிறது.
12ஆம் நாளான ஞாயிற்றுக்கிழமை (பிப். 28) மாலையில் சுவாமி மஞ்சள் நீராட்டு திருக்கோலத்துடன் வீதியுலா வந்து, வடக்கு ரத வீதியில் உள்ள 14 ஊா் செங்குந்த முதலியாா் மண்டபத்தைச் சோ்கிறாா். அங்கு அபிஷேகம், அலங்காரமாகி சுவாமி, அம்மன் தனித்தனி மலா்க் கேடயச் சப்பரங்களில் வீதியுலா வந்து கோயில் சோ்ந்து திருவிழா நிறைவடைகிறது.