மின் கம்பங்களில் அனுமதியின்றி தனியாா் கேபிள் டி.வி. வயா் பெட்டிகளை பொருத்தக்கூடாது என திருச்செந்தூா் மின் விநியோக செயற்பொறியாளா் (பொ) ஆ.பாக்கியராஜ் அறிவுறுத்தியுள்ளாா்.
இதுகுறித்து அவா் வெளியிட்டுள்ள செய்திக்குறிப்பு :
திருச்செந்தூா் கோட்டத்திற்குட்பட்ட மின்கம்பங்களில் அனுமதி இல்லாமல் கேபிள்டிவி வயா்கள் இணைக்கப்பட்டு கேபிள்சேவை வழங்கப்படுவதாக புகாா் எழுந்துள்ளது. அவ்வாறு இணைக்கப்பட்டுள்ள கேபிள்டிவி வயா்களால் விபத்துகள் மற்றும் மின்வாரிய உடமைகளுக்கு பொருள் சேதம் ஏற்பட்டால் கேபிள்டிவி உரிமையாளா்கள் தான் முழு பொறுப்பேற்க வேண்டும் . அனுமதி இல்லாமல் இணைக்கப்பட்டுள்ள கேபிள்டிவி வயா்களை உடனே அகற்றிட வேண்டும் எனக் கூறப்பட்டுள்ளது.