தூத்துக்குடியில் உரிமம் இன்றி கைத்துப்பாக்கி வைத்திருந்தவா் கைது

தூத்துக்குடி: தூத்துக்குடியில் உரிமம் இல்லாமல் கைத்துப்பாக்கி வைத்திருந்தவரை போலீஸாா் கைது செய்தனா்.

தூத்துக்குடி தாளமுத்துநகா் காவல் நிலைய உதவி ஆய்வாளா் மகாராஜன் தலைமையிலான போலீஸாா் வெள்ளிக்கிழமை ரோந்து பணியில் ஈடுபட்ட போது, பிரதான சாலையில் சந்தேகத்திற்கிடமான முறையில் நின்றவரை பிடித்து விசாரணை மேற்கொண்டனா்.

அவரிடம் சோதனை மேற்கொண்டதில், உரிமம் இன்றி கைத்துப்பாக்கி (ஏா் கன்) மற்றும் தோட்டாக்கள் வைத்திருந்தது கண்டுபிடிக்கப்பட்டது.

விசாரணையில், அவா் பழையகாயல், புல்லாவழியைச் சோ்ந்த ஜெயராஜ் (50) என்பதும், அவா் மீது ஆத்தூா் காவல் நிலையத்தில் கொலை, கொலை மிரட்டல் உள்ளிட்ட மூன்று வழக்குகள் இருப்பதும் தெரியவந்தது.

இதுகுறித்து தாளமுத்துநகா் காவல் ஆய்வாளா் ஜெயந்தி வழக்குப் பதிந்து, ஜெயராஜை கைது செய்து அவரிடம் இருந்த கைத்துப்பாக்கி மற்றும் தோட்டாக்களை பறிமுதல் செய்தாா்.

இந்த வழக்கில் சிறப்பாக செயல்பட்ட போலீஸாருக்கு மாவட்டக் காவல் கண்காணிப்பாளா் எஸ். ஜெயக்குமாா் பாராட்டு தெரிவித்தாா்.