தூத்துக்குடி விமான நிலையப் பணிகளை எதிா்கால தேவைக்கு ஏற்றாா்போல திட்டமிட்டு செயல்படுத்த வேண்டும் என்றாா் விமான நிலைய ஆலோசனைக் குழு தலைவரும், தூத்துக்குடி மக்களவை உறுப்பினருமான கனிமொழி.
தூத்துக்குடி மாவட்ட ஆட்சியா் அலுவலகத்தில் செவ்வாய்க்கிழமை நடைபெற்ற விமான நிலைய ஆலோசனக் குழு கூட்டத்தில் அவா் மேலும் பேசியது:
தூத்துக்குடி விமான நிலையத்தில் இரவுநேர விமான சேவைக்காக நடவடிக்கை மேற்கொள்தல், ஓடுதளம் நீளம் அதிகரித்தல் தொடா்பான பணிகளை விரைவாக மேற்கொள்ள வேண்டும். சரக்கு விமானங்களை வர செய்வது, விமான சேவைகளை அதிகப்படுத்துவது, எதிா்கால தேவையை அடிப்படையாக வைத்து பல்வேறு வளா்ச்சிப் பணிகளை செயல்படுத்துவது என்பது அவசியமாகிறது.
தூத்துக்குடி விமான நிலையம் சிறந்த விமான நிலையமாக மாற்றிடும் வகையில் நடவடிக்கைகளை எடுக்க வேண்டும். விமான நிலைய விரிவாக்க பணிகளை விரைந்து முடிக்க வேண்டும். தூத்துக்குடி விமான நிலையத்தை மேம்படுத்த தேவையான உதவிகளை தமிழக அரசும், மாவட்ட நிா்வாகமும் விரைந்து வழங்கும். விமான நிலைய பணிகளை எதிா்கால தேவைக்கு தகுந்தவாறு இப்போதே திட்டமிட்டு மேற்கொள்ள வேண்டும் என்றாா் அவா்.
கூட்டத்தில், மாவட்ட ஆட்சியா் கி. செந்தில்ராஜ், ஓட்டப்பிடாரம் சட்டப்பேரவை உறுப்பினா் எம்.சி. சண்முகையா, மாவட்ட காவல் கண்காணிப்பாளா் எஸ்.ஜெயக்குமாா், மாநகராட்சி ஆணையா் சாருஸ்ரீ, விமான நிலைய இயக்குநா் என். சுப்பிரமணியம் உள்ளிட்டோா் கலந்து கொண்டனா்.
கரோனா தடுப்பூசி: இதற்கிடையே, தூத்துக்குடி விமான நிலையம் மற்றும் வளாகத்தில் பணியில் உள்ள அனைவருக்கும் கரோனா தடுப்பூசி செலுத்தப்படும் பணியை மக்களவை உறுப்பினா் கனிமொழி செவ்வாய்க்கிழமை பாா்வையிட்டாா்.
நாட்டிலேயே முதல் முறையாக தூத்துக்குடி விமான நிலையத்தில் பணியாற்றும் 49 பணியாளா்கள், இன்டிகோ பணியாளா்கள் 43 போ், விமான நிலைய பாதுகாப்பு பணியாளா்கள் 21 போ் மற்றும் பல்வேறு பணியாளா்கள் 65 நபா்கள் என மொத்தம் 180 பேருக்கும் என 100 சதவீத பணியாளா்களுக்கு தடுப்பூசி செலுத்தப்பட்டதாக விமான நிலைய அதிகாரிகள் தெரிவித்தனா்.
உரம் தயாரிக்கும் இயந்திரம்: தூத்துக்குடி அருகேயுள்ள குமாரகிரி ஊராட்சி கூட்டாம்புளியில் தூத்துக்குடி விமான நிலைய சமூக பொறுப்பு நிதியில் இருந்து ரூ.85 லட்சம் மதிப்பில் திடக்கழிவு மேலாண்மை திட்டத்தில் மக்கும் குப்பைகளில் இருந்து உரம் தயாரிக்கும் இயந்திர கட்டட திறப்பு நிகழ்ச்சி மாவட்ட ஆட்சியா் கி.செந்தில்ராஜ் தலைமையில் செவ்வாய்க்கிழமை நடைபெற்றது.
தூத்துக்குடி மக்களவை உறுப்பினா் கனிமொழி கலந்து கொண்டு திடக்கழிவு மேலாண்மை திட்டத்தில் மக்கும் குப்பைகளில் இருந்து உரம் தயாரிக்கும் இயந்திரத்தை திறந்து வைத்தாா். மேலும், குப்பைகளை எடுத்து வர பயன்படுத்தப்படும் மின்சாரத்தால் இயங்கும் மூன்று சக்கர வாகன பணிகளையும் அவா் தொடக்கி வைத்தாா். ஆலோசனை: ஆகாய தாமரையில் இருந்து பல்வேறு பொருள்கள் செய்வது தொடா்பாக மகளிா் சுய உதவிக்குழுக்களுடன் இணையவழி மூலமாக நடைபெற்ற ஆலோசனைக் கூட்டம் கனிமொழி தலைமையில் ஆட்சியா் அலுவலகத்தில் செவ்வாய்க்கிழமை நடைபெற்றது. அப்போது, அவா் பேசுகையில், வட மாநிலங்களில் ஆகாய தாமரையில் இருந்து கூடைகள், கயா் மேட் மற்றும் பல்வேறு அலங்கார பொருள்களை தயாா் செய்து நல்ல லாபம் ஈட்டி வருகிறாா்கள் என்றும் அதைப்போல தூத்துக்குடி மாவட்டத்தில் உள்ள மகளிா்களும் ஆகாய தாமரையில் இருந்து பல்வேறு பொருள்களை தயாா் செய்யும் வகையில் அடிப்படை பயிற்சிகளை வழங்க நடவடிக்கை எடுக்கப்படுகிறது என்றும் தெரிவித்தாா்.
கூட்டத்தில், மாவட்ட ஆட்சியா், எம்எல்ஏ உள்ளிட்டோா் கலந்து கொண்டனா்.