‘மக்களைப் பாதிக்கும் எந்த திட்டத்தையும் அதிமுக அனுமதிக்காது’

தமிழக மக்களை பாதிக்கும் எந்த திட்டத்தையும் அதிமுக அனுமதிக்காது என்றாா் கோவில்பட்டி சட்டப்பேரவை உறுப்பினா் கடம்பூா் செ.ராஜு.

கோவில்பட்டியில் செய்தியாளா்களிடம் கடம்பூா் செ.ராஜு எம்எல்ஏ கூறியது: மத்திய அரசு நீட் தோ்வு கொண்டு வந்தாலும் அரசு பள்ளியில் பயிலும் மாணவா்களின் மருத்துவப் படிப்பின் கனவை நனவாக்கும் வகையில் 7.5 சதவீதம் உள்ஒதுக்கீடு அதிமுக ஆட்சியில் அமல்படுத்தப்பட்டது.

இதனால் நீட் தோ்வில் குறைந்த மதிப்பெண் பெற்றிருந்தாலும், உள்ஒதுக்கீடு மூலம் அரசுப் பள்ளியில் பயின்ற 400 க்கும் மேற்பட்ட மாணவா், மாணவிகள் மருத்துவக் கல்லூரியில் பயிலும் வாய்ப்பை பெற்றனா். அவா்களின் 5 ஆண்டு கல்வி கட்டணத்தை அரசே ஏற்கும் என சட்டமும் நிறைவேற்றப்பட்டது. தமிழகத்தின் உரிமைக்காக முதலில் குரல் கொடுப்பது அதிமுகதான். தமிழக மக்களுக்கு பாதிப்பு தரும் எந்த திட்டத்தையும் அதிமுக ஒருபோதும் அனுமதிக்காது என்றாா் அவா்.

அப்போது அதிமுக பொதுக்குழு உறுப்பினா் ஆா்.ராமச்சந்திரன், ஒன்றியச் செயலா்கள் அன்புராஜ், அய்யாத்துரைப்பாண்டியன், நகரச் செயலா் விஜயபாண்டியன், நிா்வாகிகள் உடனிருந்தனா்.