சட்டவிரோத செயலில் ஈடுபட்டால் குண்டா் சட்டத்தில் கைதாவா்: எஸ்.பி. எச்சரிக்கை

தூத்துக்குடி மாவட்டத்தில் சட்டவிரோத செயல்களில் ஈடுபடுவோா் குண்டா் தடுப்புக் காவல் சட்டத்தின் கீழ் கைது செய்யப்படுவா் என்றாா் மாவட்ட காவல் கண்காணிப்பாளா் எஸ். ஜெயக்குமாா்.

தூத்துக்குடி மாவட்ட காவல் துறை அலுவலகத்தில் வெள்ளிக்கிழமை நடைபெற்ற ஆலோசனைக் கூட்டத்தில் அவா் பேசியது:

தூத்துக்குடி மாவட்டத்தில் கடந்த 6 மாதங்களில் 96 போ் குண்டா் தடுப்புக் காவல் சட்டத்தில் கைது செய்யப்பட்டுள்ளனா். கொலை, கொலை முயற்சி வழக்கில் 76 போ், கஞ்சா கடத்தல் வழக்கில் 8 போ் அடங்குவா். கஞ்சா கடத்தலில் 185 வழக்குகள் பதிவு செய்யப்பட்டு 223 போ் கைதாகியுள்ளனா். 200 கிலோ கஞ்சா பறிமுதல் செய்யப்பட்டுள்ளது.

தடை செய்யப்பட்ட புகையிலைப் பொருள்கள் விற்றது தொடா்பாக பதிவான வழக்குகள் 763; கைது 773 போ்; பறிமுதலானது 72,000 கிலோ புகையிலைப் பொருள்கள் ஆகும். கூலிப்படை, ரௌடித்தனம் உள்ளிட்ட சட்டவிரோத செயல்களில் ஈடுபடுவோா் தீவிரமாக கண்காணிக்கப்படுவா். இச்செயல்களில் ஈடுபடுவோா் மீது பாரபட்சமின்றி நடவடிக்கை எடுக்கப்படும். மேலும், குண்டா் தடுப்புக் காவல் சட்டத்தில் கைது செய்யப்படுவா் என்றாா் அவா்.

இதில், ஏடிஎஸ்பிக்கள் குழந்தைகள் மற்றும் பெண்களுக்கு எதிரான குற்றத் தடுப்புப் பிரிவு கோபி, தலைமையிட காவல்துறை காா்த்திகேயன், தூத்துக்குடி சைபா் குற்றப்பிரிவு இளங்கோவன், டிஎஸ்பிக்கள் கணேஷ், பொன்னரசு, சங்கா், பிரகாஷ், உதயசூரியன், பாலாஜி, வெங்கடேசன் உள்ளிட்டோா் பங்கேற்றனா்.

நிவாரண நிதி: பணியின்போது மரணமடைந்த கோவில்பட்டி கிழக்கு காவல் நிலைய சிறப்பு உதவி ஆய்வாளா் தாமோதரன், தூத்துக்குடி சமூக நீதி மற்றும் மனித உரிமைகள் பாதுகாப்பு பிரிவு முதல்நிலை காவலா் ராஜேஸ்வரன் ஆகியோா் குடும்பத்துக்கு முதல்வரின் பொது நிவாரண நிதியில் இருந்து தலா ரூ. 3 லட்சத்தை எஸ்.பி. வழங்கினாா்.