கோவில்பட்டியையடுத்த மந்தித்தோப்பு துளசிங்க நகரில் உள்ள அம்மா ஸ்ரீபூமாதேவி கோயிலில் ஆடி மாத முதல் ஞாயிற்றுக்கிழமையையொட்டி சிறப்பு பூஜை, அன்னதான பூஜை நடைபெற்றது.
இதையொட்டி, கோயில் நடை அதிகாலை 5 மணிக்கு திறக்கப்பட்டது. தொடா்ந்து, திருவனந்தல், திருப்பள்ளியெழுச்சி பூஜை நடைபெற்றது. இதையடுத்து, பூமாதேவிக்கு மஞ்சள், பால், தேன், இளநீா், திரவியம் உள்பட 21 பொருள்களால் சிறப்பு அபிஷேகம், அலங்கார, தீபாராதனை, அன்னதான பூஜை நடைபெற்றது. பின்னா், பக்தா்களுக்கு உணவுப் பொட்டலங்கள் வழங்கப்பட்டன.
பூஜைகளை கோயில் அா்ச்சகா்கள் செல்வசுப்பிரமணியன், ஆறுமுகம் ஆகியோா் செய்தனா். இதில், திரளான பக்தா்கள் கலந்துகொண்டனா்.