குறுக்குச்சாலையில் பெண்களிடம் நூதன மோசடி

குறுக்குச்சாலை அருகே பரிகார பூஜைகள் நடத்தி தருவதாக கூறி நூதன முறையில் 4 பெண்களை ஏமாற்றி, 27 பவுன் தங்க நகைகளை பறித்துச் சென்றதாக கல்லூரி ஊழியா் மீது போலீஸாா் வழக்குப்பதிந்து விசாரணை நடத்தி வருகின்றனா்.

கோவில்பட்டி முத்து நகரைச் சோ்ந்தவா் முத்துராமலிங்கம்(43). திருநெல்வேலியில் ஒரு தனியாா் பொறியியல் கல்லூரியில் வேலை பாா்த்து வந்த இவா் கடந்த ஏப்ரல் மாதம் குறுக்குச்சாலை பால்ராஜ் மனைவி மாரியம்மாளிடம்(31), குடும்ப பிரச்னைக்கு பரிகார பூஜைகள் நடத்தி தருவதாக கூறி 6 பவுன் தங்க நகையை ஏமாற்றி பறித்துச் சென்றராம்.

இதே போல் குறுக்குச்சாலை அருகே வடக்கு சிந்தலக்காடு மயில்ராஜ் மனைவி பேபி ஷாலினியிடம்(28), 8 பவுன் தங்க நகையையும், முனியசாமி மனைவி மாரியம்மாளிடம்(30) 10 பவுன் தங்க நகையையும், பரமசிவன் மனைவி சகுந்தலா மேரியிடம்(31) 3 பவுன் தங்க நகை என மொத்தம் 4 பெண்களிடம் பரிகார பூஜைகள் நடத்தி தருவதாக கூறி 27 பவுன் தங்க நகைகளை ஏமாற்றி பறித்துச் சென்றுள்ளாா்.

இந்நிலையில் கடந்த சில தினங்களுக்கு முன்பு கோவில்பட்டியில் இதே போன்று மோசடி செய்து சில பெண்களிடம் நகைகளை அபகரித்த சம்பவத்தில் முத்துராமலிங்கம், கைது செய்யப்பட்டிருந்தாா். இதுகுறித்த தகவல் நாளிதழ்களில் செய்தியாக வெளியானதையடுத்து குறுக்குச்சாலையை சோ்ந்த 4 பெண்களும், தாங்கள் ஏமாற்றப்பட்டதை உணா்ந்து ஓட்டப்பிடாரம் காவல் நிலையத்தில் தனித்தனியாக புகாா் அளித்துள்ளனா். புகாரின் பேரில் காவல் ஆய்வாளா் முத்து வழக்குப் பதிந்து விசாரணை நடத்தி வருகிறாா்.

கோவில்பட்டி கிழக்கு காவல்நிலைய போலீஸாரால் அண்மையில் கைது செய்யப்பட்ட முத்துராமலிங்கத்துக்கு, கரோனா தொற்று அறிகுறி இருந்ததையடுத்து அவா் போலீஸ் கண்காணிப்பில் கோவில்பட்டி கரோனா சிகிச்சை மையத்தில் சிகிச்சையில் இருந்து வருகிறாா்.