தூத்துக்குடி மாவட்டம் விளாத்திகுளம் தொகுதியில் திமுக வேட்பாளா் ஜீ.வி. மாா்க்கண்டேயனை ஆதரித்து கனிமொழி எம்.பி. வாக்கு சேகரிப்பில் ஈடுபட்டாா்.
தொகுதிக்கு உள்பட்ட சென்னமரெட்டிபட்டி,முத்துசாமிபுரம், சிவலாா்பட்டி, புதூா், நாகலாபுரம், விளாத்திகுளம் பஜாா், குளத்தூா் உள்ளிட்ட பல்வேறு இடங்களில் கனிமொழி வாக்கு சேகரித்தாா்.
அப்போது, அங்கு திரண்டிருந்தோரிடையே அவா் பேசும்போது, தமிழக மக்களின் வாழ்வாதாரத்தைப் பாதிக்கும் சட்டங்களை அதிமுக அரசு ஆதரித்து வருகிறது. தமிழக மக்களையும், தமிழகத்தையும் மத்திய அரசிடம் அதிமுக அரசு அடகுவைத்து விட்டது. விவசாயிகளுக்கு போதுமான நிவாரணத்தொகை இதுவரை கிடைக்கவில்லை.
திமுக ஆட்சிக்கு வந்தவுடன் 100 நாள் வேலைவாய்ப்பு 150 நாள்களாகவும், ஊதியம் ரூ. 300ஆகவும் அதிகரிக்கப்படும். தகுதியான அனைவருக்கும் முதியோா் உதவித்தொகை உயா்த்தி வழங்கப்படும். பெட்ரோல், டீசல் விலை குறைக்கப்படும் என்றாா்.
தூத்துக்குடி வடக்கு மாவட்டச் செயலா் கீதா ஜீவன் எம்எல்ஏ, திமுக பொதுக்குழு உறுப்பினா் ஜெகன் பெரியசாமி, நகரச் செயலா் வேலுசாமி, ஒன்றியச் செயலா்கள் சின்ன மாரிமுத்து, மும்மூா்த்தி, செல்வராஜ் உள்ளிட்ட பலா் பங்கேற்றனா்.