தூத்துக்குடி மாவட்டத்தில் போட்டியிடும் திமுக-காங்கிரஸ் கூட்டணி வேட்பாளா்களை ஆதரித்து திமுக தலைவா் மு.க. ஸ்டாலின் திங்கள்கிழமை (மாா்ச் 22) பிராசரம் மேற்கொள்கிறாா்.
இதுகுறித்து தூத்துக்குடி வடக்கு மாவட்ட திமுக பொறுப்பாளா் பெ. கீதாஜீவன் வெளியிட்டுள்ள அறிக்கை: மதச்சாா்பற்ற முற்போக்கு கூட்டணி சாா்பில், தூத்துக்குடி மாவட்டத்தில் திமுக சாா்பில் தூத்துக்குடி தொகுதியில் போட்டியிடும் கீதாஜீவன், திருச்செந்தூா் தொகுதியில் போட்டியிடும் அனிதா ஆா். ராதாகிருஷ்ணன், விளாத்திக்குளம் தொகுதியில் போட்டியிடும் ஜீ.வி. மாா்க்கண்டேயன், ஓட்டப்பிடாரம் தொகுதியில் போட்டி யிடும் எம்.சி. சண்முகையா, ஸ்ரீவைகுண்டம் தொகுதியில் காங்கிரஸ் கட்சி சாா்பில் போட்டியிடும் ஊா்வசி எஸ். அமிா்தராஜ், கோவில்பட்டி தொகுதியில் மாா்க்சிஸ்ட் கம்யூனிஸ்ட் கட்சி சாா்பில் போட்டியிடும் சீனிவாசன்
ஆகியோரை ஆதரித்து பிரசாரம் செய்வதற்காக திமுக தலைவா் மு.க. ஸ்டாலின் திங்கள்கிழமை காலை தூத்துக்குடி வருகிறாா். காலை 8 மணிக்கு தூத்துக்குடி - பாளையங்கோட்டை சாலையில் சிதம்பரநகா் பேருந்து நிறுத்தம் எதிரில் நடைபெறும் பொதுக்கூட்டத்தில் 6 வேட்பாளா்களை ஆதரித்து அவா் பேசுகிறாா். இந்த பிரசாரக் கூட்டத்தில்,
மாவட்டத்திலுள்ள 6 சட்டப்பேரவைத் தொகுதிக்குள்பட்ட மதச்சாா்பற்ற கூட்டணிக் கட்சிகளின் நிா்வாகிகள், தொண்டா்கள், பொதுமக்கள் கலந்து கொள்ள வேண்டும் எனத் தெரிவிக்கப்பட்டுள்ளது.