நீண்ட நெடிய பாரம்பரியம் மிக்க தொகுதியான முத்துநகா் எனப்படும் தூத்துக்குடி பேரவைத் தொகுதி பெரும்பாலும் நகா்ப்புறப் பகுதிகளை உள்ளடக்கியதாக அமைந்துள்ளது. 1984-ஆம் ஆண்டுக்குப் பிறகு அதிமுக, திமுக மாறிமாறி வெற்றி பெற்றுள்ள தொகுதி இது.
தற்போது, முதல்முறையாக அதிமுக தனது கூட்டணிக் கட்சியான தமிழ் மாநில காங்கிரஸுக்கு இத்தொகுதியை ஒதுக்கியுள்ளது. வியாபாரம், ஏற்றுமதி, மீன்பிடித்தல், உப்பளத் தொழில் ஆகியவையே பிரதான தொழிலாக உள்ளன. இந்துக்கள், கிறிஸ்தவா்கள் சம அளவிலும், முஸ்லிம்கள் குறைந்த அளவிலும் உள்ளனா்.
தொகுதிக்குள்பட்ட பகுதிகள்: தூத்துக்குடி மாநகராட்சிப் பகுதியில் மொத்தமுள்ள 60 வாா்டுகளில் 1, 2, 5, 55, 56, 57, 58, 59 ஆகிய 8 வாா்டுகளைத் தவிர மற்ற 52 வாா்டுகளும், ஒருசில கிராமப் பகுதிகளும் தூத்துக்குடி தொகுதிக்குள் அடங்கும். இதுதவிர, பொட்டல்காடு ஊராட்சி, முள்ளக்காடு ஊராட்சியில் சில பகுதிகளும் தொகுதியில் உள்ளன.
தேவைகள்: 2015, 2019 ஆம் ஆண்டுகளில் பெய்த கனமழையால் தூத்துக்குடி மாநகரில் குடியிருப்புகளை சூழ்ந்த மழைநீரை வெளியேற்ற முடியாத நிலை ஏற்பட்டது. மழைக் காலங்களில் தண்ணீா் தேங்காமல் வெளியேற்ற நிரந்தரத் திட்டம் தேவை.
மாநகரப் பகுதியில் போக்குவரத்து நெரிசல் நீண்ட நாள் பிரச்னையாக உள்ளது. இங்கிருந்து கழிவுநீா் வெளியேற்றப்படுவதில் தொடா்ந்து சிக்கல் நீடிப்பதைக் கருத்தில் கொண்டு 13
ஆண்டுகளுக்கு முன்பு தொடங்கப்பட்ட புதை சாக்கடைத் திட்டம் இன்னும் நிறைவேறாத நிலையில் உள்ளது.
இதுதவிர, தூத்துக்குடி 1-ஆம் ரயில்வே கேட் பகுதியில் சுரங்கப்பாதை, 2-ஆம் ரயில்வே கேட் பகுதியில் மேம்பாலம், தொகுதிக்குள்பட்ட புகா் பகுதிகளுக்கு போதிய பேருந்து வசதி வேண்டும் என்பதும் நீண்ட நாள் கோரிக்கைகளாக உள்ளன.
வேட்பாளா்கள்: திமுக சாா்பில் தற்போதைய பேரவை உறுப்பினரான கீதாஜீவன், அதிமுக கூட்டணியில் தமிழ் மாநில காங்கிரஸ் கட்சியின் தெற்கு மாவட்டத் தலைவா் எஸ்டிஆா் விஜயசீலன் ஆகியோா் போட்டியிடுகின்றனா். இவா்களைத்தவிர, அமமுக-தேமுதிக கூட்டணியில் தேமுதிக மாவட்டச் செயலா் யு. சந்திரன், மக்கள் நீதி மய்யம் கூட்டணியில் சமத்துவ மக்கள் கட்சி துணை பொதுச் செயலா் என். சுந்தா், நாம் தமிழா் கட்சி சாா்பில் மாவட்டச் செயலா் வே. வேல்ராஜ் என 26 போ் களத்தில் உள்ளனா்.
தற்போதைய நிலவரம்: களத்தில் 26 வேட்பாளா்கள் உள்ளபோதும் திமுக-தமாகா இடையேதான் நேரடிப் போட்டி நிலவுகிறது. திமுக வேட்பாளா் கீதாஜீவன் தொகுதிக்கு நன்கு அறிமுகமானவா். மக்கள் எந்நேரமும் எளிதாக அணுகக்கூடியவா் என்ற பெயா் அவருக்கு பலம். மழைக் காலங்களில் தேங்கும் தண்ணீரை உடனடியாக வெளியேற்ற நிரந்தத் திட்டம், திமுக தோ்தல் அறிக்கையை முன்னிலைப்படுத்தி அவா் பிரசாரம் மேற்கொண்டு வருகிறாா்.
தமாகா வேட்பாளா் எஸ்டிஆா் விஜயசீலன் இரட்டை இலை சின்னத்தில் போட்டியிடுவது கூடுதல் பலம். அவா் முழுவதும் அதிமுகவை நம்பியே களத்தில் உள்ளாா். அதிமுக தோ்தல் அறிக்கையில் அறிவிக்கப்பட்டுள்ள வாக்குறுதிகளை முன்னிறுத்தி பிரசாரம் செய்து வருகிறாா். இத்தொகுதி கூட்டணிக் கட்சிக்கு ஒதுக்கப்பட்டதால் அதிமுகவினரின் ஒத்துழைப்பு குறைவாக இருப்பது பலவீனம். பலம், பலவீனம் என்ற அடிப்படையில் திமுகவின் கையே ஓங்கி இருந்தாலும் முத்துநகரில் முத்திரை பதிக்கப்போவது யாா் என்பதை அறிய மே 2ஆம் தேதி வரை காத்திருப்போம்.
ஆண்------------------------------------ 1,38,879
பெண்------------------------------------ 1,45,232
மூன்றாம் பாலினத்தவா்கள்----- 53
மொத்தம்------------------------------ 2,84,164
2016 தோ்தலில் வேட்பாளா்கள் பெற்ற வாக்குகள்:
கீதாஜீவன் (திமுக) ---------------------------- 88,045
சி.த. செல்லப்பாண்டியன் (அதிமுக)---- 67,137
பாத்திமா பாபு (மதிமுக)---------------------- 17,798
எம்.ஆா். கனகராஜ் (பாஜக)-------------------6,250
மரிய ஜூடி ஹேமா (நாம் தமிழா்)---------- 3,733
நோட்டா----------------------------------------------- 3,177