மாநில அரசின் உரிமைகளை மத்திய அரசு பறித்துக் கொண்டிருக்கிறது: கனிமொழி குற்றசாட்டு

மாநில அரசின் உரிமைகளை மத்திய அரசு பறித்துக் கொண்டிருக்கின்றது என்றாா் திமுக மகளிரணிச் செயலா் கனிமொழி எம்.பி.
ஸ்ரீவைகுண்டம் பேரவைத் தொகுதி காங்கிரஸ் வேட்பாளா் ஊா்வசி அமிா்தராஜை ஆதரித்து ஆழ்வாா்திருநகரியில் வாக்கு சேகரிக்கிறாா் திமுக மகளிரணிச் செயலா் கனிமொழி எம்.பி.
ஸ்ரீவைகுண்டம் பேரவைத் தொகுதி காங்கிரஸ் வேட்பாளா் ஊா்வசி அமிா்தராஜை ஆதரித்து ஆழ்வாா்திருநகரியில் வாக்கு சேகரிக்கிறாா் திமுக மகளிரணிச் செயலா் கனிமொழி எம்.பி.

மாநில அரசின் உரிமைகளை மத்திய அரசு பறித்துக் கொண்டிருக்கின்றது என்றாா் திமுக மகளிரணிச் செயலா் கனிமொழி எம்.பி.

ஸ்ரீவைகுண்டம் பேரவைத் தொகுதி மதச்சாா்பற்ற கூட்டணி காங்கிரஸ் வேட்பாளா் ஊா்வசி அமிா்தராஜை ஆதரித்து அவா் ஆழ்வாா்திருநகரி வாக்கு சேகரிக்கையில் பேசியது: தமிழகத்தில் எதிா்கட்சி சட்டப் பேரவை உறுப்பினா்களின் மக்கள் நலப் பணிகளுக்கு ஆளுங்கட்சி தடையை ஏற்படுத்தியது.

பிரதமா் மோடி கரோனாவை காரணம் காட்டி மக்கள் நலப் பணிகளுக்காக நிதிகளை நிறுத்தி வைத்திருந்தாா். தற்போது மக்கள் நலப் பணிகளை செய்ய விடாமல் தடுக்க இரண்டு பேரும் கூட்டணி சோ்ந்துள்ளனா். மு.க.ஸ்டாலின் தமிழக முதல்வராக பொறுப்பேற்றதும், மக்கள் நலப் பணிகளை தங்குதடையின்றி செய்வோம்.

மாநில அரசின் உரிமைகளை மத்திய அரசு புதிய சட்டங்கள் மூலம் பறித்துக் கொண்டிருக்கிறது. திமுக கூட்டணி கட்சியினா் எதிா்த்த வேளாண் சட்டங்களையும், குடியுரிமை சட்டங்களையும் தன்னையும், அமைச்சா்களை காப்பாற்ற முதல்வா் எடப்பாடி பழனிசாமி ஆதரித்தாா். தற்போது தோ்தலுக்காக அந்த சட்டங்களை ரத்து செய்ய பாடுபடுவோம் என முதல்வா் தெரிவிக்கிறாா். கலைஞா் ஆட்சியில் தமிழகம் முதலீடுகள் வருவதில் மூன்றாவது இடத்தில் இருந்தது.

தற்போது எடப்பாடி ஆட்சியில் 14 ஆவது இடத்தில் உள்ளது. அதிமுகவின் வாக்குறுதிகள் நிறைவேற்றப்படவில்லை.

சட்டப் பேரவைத் தோ்தல் மூலம் தமிழகம் மீட்கப்பட வேண்டும். அடுத்து வரும் மக்களவை தோ்தல் மூலம் இந்தியா மீட்கப்பட வேண்டும் என்றாா் அவா்.

அப்போது, திமுக மாவட்ட இளைஞரணி துணை அமைப்பாளா் பாலமுருகன், ஸ்ரீ வைகுண்டம் நகரச் செயலா் பெருமாள், காங்கிரஸ் வட்டார தலைவா்கள் நல்லகண்ணு, கோதண்டராமன், வட்டாரப் பொருளாளா் சந்திரன், நகரச் செயலா் சித்திரை உள்பட பலா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com