தூத்துக்குடி: சட்டப்பேரவைத் தோ்தலில் தூத்துக்குடி மாவட்டத்தில் உள்ள 6 தொகுதிகளில் தூத்துக்குடி, திருச்செந்தூா், ஓட்டப்பிடாரம் ஆகிய மூன்று தொகுதிகளை திமுக தக்கவைத்துக் கொண்டது. கோவில்பட்டி தொகுதியை அதிமுக தக்கவைத்துக் கொண்டது. அதிமுக வசம்
இருந்த விளாத்திகுளம் தொகுதியை திமுகவும், ஸ்ரீவைகுண்டம் தொகுதியை காங்கிரஸ் கட்சியும் கைப்பற்றியுள்ளன.
2016 பேரவைத் தோ்தல்: கடந்த 2016 இல் நடைபெற்ற பேரவைத் தோ்தலில் தூத்துக்குடி மாவட்டத்தில் உள்ள தூத்துக்குடி, கோவில்பட்டி, ஸ்ரீவைகுண்டம், விளாத்திகுளம் ஆகிய நான்கு தொகுதிகளை அதிமுக கைப்பற்றியது. அதிமுக வசம் இருந்த தூத்துக்குடி தொகுதியை திமுக கைப்பற்றியது. திருச்செந்தூா் தொகுதியை திமுக தக்கவைத்துக் கொண்டது.
அதிமுக ஆட்சி அமைந்த நிலையில் கோவில்பட்டி தொகுதியில் இருந்து தோ்ந்தெடுக்கப்பட்ட கடம்பூா் செ. ராஜு அமைச்சரானாா். ஜெயலலிதா
மறைவுக்குப் பின்னா், இம்மாவட்டம் இரண்டாக பிரிக்கப்பட்டு கடம்பூா் செ. ராஜு வடக்கு மாவட்டச் செயலராகவும், எஸ்.பி. சண்முகநாதன் தெற்கு மாவட்டச் செயலராகவும் அறிவிக்கப்பட்டனா்.
விளாத்திகுளம், ஓட்டப்பிடாரம் தொகுதியில் வெற்றி பெற்ற அதிமுகவைச் சோ்ந்த உமா மகேஸ்வரி, இரா. சுந்தரராஜ் ஆகியோா் தகுதி நீக்கம் செய்யப்பட்ட நிலையில், 2019இல் நடைபெற்ற இடைத்தோ்தலில் விளாத்திகுளம் தொகுதியை அதிமுகவும், ஓட்டப்பிடாரம் தொகுதியை திமுகவும் கைப்பற்றின.
தற்போது நடைபெற்ற பேரவைத் தோ்தலில் அதிமுக கூட்டணியில் கோவில்பட்டி, விளாத்திக்குளம், ஓட்டப்பிடாரம், திருச்செந்தூா், ஸ்ரீவைகுண்டம் ஆகிய தொகுதிகளில் அதிமுகவும், தூத்துக்குடி தொகுதியில் கூட்டணி கட்சியான தமிழ் மாநில காங்கிரஸ் கட்சியும் போட்டி யிட்டன. திமுக கூட்டணியில், ஸ்ரீவைகுண்டம் தொகுதியில் காங்கிரஸ் கட்சியும், கோவில்பட்டி தொகுதியில் மாா்க்சிஸ்ட் கம்யூனிஸ்ட்
கட்சியும் போட்டியிட்டது. தூத்துக்குடி, திருச்செந்தூா், ஓட்டப்பிடாரம், விளாத்திக்குளம் ஆகிய 4 தொகுதிகளில் திமுக போட்டியிட்டது.
4 தொகுதிகளில் திமுக: இதில் போட்யிட்ட 4 பேரவைத் தொகுதிகளையும் திமுக கைப்பற்றியுள்ளது. தூத்துக்குடி, திருச்செந்தூா், ஓட்டப்பிடாரம் ஆகிய தொகுதிகள் ஏற்கெனவே திமுக வசம் இருந்த நிலையில் மீண்டும் அந்தத் தொகுதிகளை திமுக தக்கவைத்துக் கொண்டது.
விளாத்திகுளம் தொகுதியை அதிமுகவிடம் இருந்து திமுக தற்போது கைப்பற்றியுள்ளது. 25 ஆண்டுகளுக்குப் பிறகு விளாத்திகுளம் பேரவைத் தொகுதியில் திமுக வெற்றி பெற்றுள்ளது குறிப்பிடத்தக்கது.
தூத்துக்குடி: தூத்துக்குடி பேரவைத் தொகுதியில் 2016இல் அதிமுகவில் சி.த. செல்லப்பாண்டியன், திமுகவில் கீதாஜீவன் ஆகியோா் போட்டியிட்ட நிலையில் கீதாஜீவன் 20,,908 வாக்குகள் அதிகம் பெற்று வெற்றி பெற்றாா். இந்த தோ்தலில் திமுக சாா்பில் மீண்டும் போட்டியிட்ட கீதாஜீவன், அதிமுக கூட்டணியில் தமாகா சாா்பில் போட்டியிட்ட எஸ்டிஆா் விஜயசீலனை விட 50,310 வாக்குகள் வித்தியாசத்தில் வெற்றி பெற்று தொகுதியை தக்கவைத்துக் கொண்டாா்.
ஓட்டப்பிடாரம்: 2016 தோ்தலில் அதிமுக சாா்பில் போட்டியிட்ட இரா. சுந்தரராஜ் 493 வாக்குகள் வித்தியாசத்தில், திமுக கூட்டணியில்
போட்டியிட்ட புதிய தமிழகம் கட்சித் தலைவா் க. கிருஷ்ணசாமியை வீழ்த்தினாா். அதிமுகவுக்கு சாதகமான தொகுதிகளில் ஒன்றாக கருதப்பட்ட
இந்தத் தொகுதியில் இருந்து தோ்வு செய்யப்பட்ட இரா. சுந்தரராஜ் தகுதி நீக்கம் செய்யப்பட்டதால், 2019இல் நடைபெற்ற இடைத்தோ்தலில்
திமுக சாா்பில் போட்டியிட்ட எம்.சி. சண்முகையா, அதிமுக வேட்பாளா் பி. மோகனை விட 30 ஆயிரம் வாக்குகள் அதிகம் பெற்று வெற்றி
பெற்றாா். 2-ஆவது முறையாக களமிறங்கிய எம்.சி. சண்முகையா 73,110 வாக்குகள் பெற்று, அதிமுக வேட்பாளரை விட கூடுதலாக 8,510 வாக்குகள் பெற்று வெற்றி பெற்றுள்ளாா்.
கோவில்பட்டி: 2011, 2016 இல் நடைபெற்ற தோ்தலில் அதிமுக சாா்பில் போட்டியிட்டு வெற்றி பெற்ற கடம்பூா் செ. ராஜு,
3-ஆவது முறையாக களம் இறங்கினாா். திமுக கூட்டணியில் இத்தொகுதி மாா்க்சிஸ்ட் கம்யூனிஸ்ட் கட்சிக்கு ஒதுக்கப்பட்டதால் அக்கட்சியின் சாா்பில் கே. சீனிவாசன் போட்டியிட்டாா். அமமுக பொதுச் செயலா் டிடிவி தினகரன் இத்தொகுதியில் களம் இறங்கியதால் அதிமுக- அமமுக இடையே நேரடி போட்டி நிலவியது.
2016 பேரவைத் தோ்தலில் திமுக சாா்பில் போட்டியிட்ட சுப்பிரமணியனை விட 428 வாக்குகள் மட்டுமே அதிகம் வெற்றி பெற்றிருந்த கடம்பூா் செ.
ராஜு வெற்றி கேள்விக்குறியாகவே கருதப்பட்டது. இருப்பினும், 68,556 வாக்குகள் பெற்ற கடம்பூா் செ. ராஜு, தன்னை எதிா்த்து போட்டியிட்ட
டிடிவி தினகரனை விட 12,403 வாக்குகள் கூடுதல் பெற்று 3-ஆவது முறையாக வெற்றி பெற்று ஹாட்ரிக் சாதனை படைத்துள்ளாா்.
ஸ்ரீவைகுண்டம்: ஸ்ரீவைகுண்டம் தொகுதியில் 2011, 2016இல் அதிமுக சாா்பில் போட்டியிட்டு வெற்றி பெற்ற எஸ்.பி. சண்முகநாதன் தொடா்ந்து
3-ஆவது முறையாக வெற்றி பெறுவாா் என எதிா்பாா்க்கப்பட்டது. ஆனால், அவரை எதிா்த்து திமுக கூட்டணியில் களம் இறங்கிய காங்கிரஸ் வேட்பாளா் ஊா்வசி எஸ். அமிா்தராஜ், 17,372 வாக்குகள் வித்தியாசத்தில் வெற்றி பெற்றாா்.
விளாத்திகுளம்: விளாத்திகுளம் தொகுதியில் 2011இல் அதிமுக சாா்பில் போட்டியிட்ட ஜீ.வி. மாா்க்கண்டேயன் 72,753 வாக்குகள் பெற்றும்,
2016இல் அதிமுக சாா்பில் போட்டியிட்ட கு. உமா மகேஸ்வரி 71,496 வாக்குகள் பெற்றும் வெற்றிபெற்றுள்ளனா். உமா மகேஸ்வரி தகுதி நீக்கம் செய்யப்பட்டதைத் தொடா்ந்து 2019இல் நடைபெற்ற இடைத்தோ்தலில் அதிமுக சாா்பில் போட்டியிட்ட பி. சின்னப்பன் வெற்றி பெற்றாா்.
இத்தொகுதி எப்போதும் அதிமுகவுக்கு சாதகமான தொகுதி என்ற நிலையிலேயே இருந்து வந்துள்ளது.
தற்போது திமுக சாா்பில் போட்டியிட்ட ஜீ.வி. மாா்க்கண்டேயன் 90,348 வாக்குகள் பெற்று வெற்றி பெற்றுள்ளாா். அதிமுக வேட்பாளா் பி. சின்னப்பன் 51,799 வாக்குகள் பெற்றுள்ளாா்.
திருச்செந்தூா்: 2001, 2006இல் நடைபெற்ற தோ்தலில் அதிமுக சாா்பில் அனிதா ஆா். ராதாகிருஷ்ணன் போட்டியிட்டு வெற்றி பெற்றாா். அதன்
பின்னா் திமுகவில் இணைந்து 2009இல் நடைபெற்ற இடைத்தோ்தலிலும் அவரே வெற்றி பெற்றாா். தொடா்ந்து, 2011, 2016இல் நடைபெற்ற
தோ்தலிலும் அனிதா ஆா். ராதாகிருஷ்ணன் வெற்றி பெற்றாா்.
இந்நிலையில், 6 ஆவது முறையாக தற்போதைய தோ்தலில் திமுக சாா்பில் களமிறங்கிய அனிதா ஆா். ராதாகிருஷ்ணன் 88,274 வாக்குகள் பெற்று 25,263 வாக்குகள் வித்தியாசத்தில் வெற்றி பெற்றாா். 2016இல் இம்மாவட்டத்தில் உள்ள 6 தொகுதிகளில் அதிமுக வசம் 4 தொகுதிகள் இருந்த நிலையில், தற்போது கோவில்பட்டி தொகுதியை மட்டுமே அதிமுக கைப்பற்றியுள்ளது. மற்ற 5 தொகுதிகளில் திமுக நான்கு தொகுதிகளையும், திமுக கூட்டணியில் உள்ள காங்கிரஸ் ஸ்ரீவைகுண்டம் தொகுதியையும் கைப்பற்றியுள்ளது.