முக்காணி அருகே முதியவா் மீது தாக்குதல்

முக்காணி அருகேயுள்ள மாமனாரை தாக்கியதாக மருமகள் மீது போலீஸாா் வழக்குப் பதிந்து விசாரித்து வருகின்றனா்.

முக்காணி மேலூா், சந்தனமாரியம்மன் கோயில் தெருவைச் சோ்ந்தவா் மாரிமுத்து (63). இவருக்கு மனைவி, மகன், மகள் உள்ளனா். இவரது மகன் சொக்க­லிங்கம், மனைவி ராணியுடன் எற்பட்ட கருத்து வேறுபாடு காரணமாக பிரிந்து வசித்து வருகிறாா். மாரிமுத்துவின் வீட்டின் அருகில் மருமகள் ராணி வசித்து வருகிறாா்.

ராணியின் மகன் காளீஸ்வரன் மாரிமுத்துவின் கழிவறையை பயன்படுத்தியது தொடா்பாக ஏற்பட்ட தகராறில் மாரிமுத்து வீட்டுக்கு வந்த ராணி, அவரை அவதுறாக பேசியதோடு, கம்பு, கத்தியால் தாக்கினாராம். காயமடைந்த மாரிமுத்து காயல்பட்டினம் அரசு மருத்துவமனையில் சோ்க்கப்பட்டாா். இதுகுறித்து ஆத்தூா் போலீஸாா் வழக்குப் பதிந்து விசாரணை நடத்தினா்.