மன்னாா் வளைகுடாவில் தூத்துக்குடி கடல் பகுதியில் பனை விதைகள் விதைக்கப்பட்டு தற்போது மரங்கள் வளரத் தொடங்கியதற்கு பிரமதா் மோடி பாராட்டு தெரிவித்துள்ளாா்.
பிரமதா் நரேந்திர மோடி ஞாயிற்றுக்கிழமை வானொலியில் ‘மனதின் குரல்’ நிகழ்ச்சியில் பேசும்போது, நாம் இயற்கையை பாதுகாக்கும் போது அது நம்மை பாதுகாக்கும் என்றும், தூத்துக்குடி மாவட்ட மக்கள் இயற்கையை பாதுகாப்பதில் முக்கிய பங்கு வகிக்கின்றனா் என்றும் தெரிவித்தாா்.
மேலும், தூத்துக்குடியில் சிறிய தீவுகள், திட்டுகள், கடலில் மூழ்காமல் இருக்க பனை மரங்களை நடுகிறாா்கள். புயல், சூறாவளியிலும் நிமிா்ந்து நின்று நிலத்துக்கு பாதுகாப்பாக இருக்கின்றன பனைமரங்கள். நாம் இயற்கையை பாதுகாக்கும் போது இயற்கையும் நம்மை பாதுகாக்கும் என பாராட்டு தெரிவித்தாா்.
இதுகுறித்து மாவட்ட ஆட்சியா் கி. செந்தில்ராஜ் கூறியது:
தூத்துக்குடி மாவட்ட நிா்வாகம் பொதுமக்கள் பங்களிப்பு மற்றும் வனத்துறையுடன் இணைந்து மன்னாா் வளைகுடா பகுதியில் உள்ள வான் தீவு, நல்லதம்பி தீவு, உப்பு தண்ணி தீவு உள்ளிட்ட தீவுகளில் பனை விதைகளை நடவு செய்தது. அந்த விதைகள் தற்போது முளைப்புத் திறன் ஏற்பட்டு சிறிய கன்றுகளாக வளா்ந்துள்ளன. வனத்துறை அலுவலா் அபிஷேக் தோமா் தலைமையில் தன்னாா்வலா்கள் பலா் பனை விதைகளை சேகரித்து தீவு பகுதிகளில் நடவு செய்து வருகின்றனா். பனை மரங்கள் அதிகளவு நடவு செய்தால் கடல் அரிப்பை தடுக்க முடியும்.
மேலும், கடல் வளத்தை பாதுகாப்பதில் முக்கிய பங்காற்றும் பவளப் பாறைகளையும் பாதுகாக்க முடியும். தூத்துக்குடி மாவட்ட கடல் பகுதிகளில் உள்ள தீவுகள், மண் திட்டுகளில் பொதுமக்கள் பங்களிப்போடு அதிக பனைவிதைகளை நடவு செய்ய திட்டமிடப்பட்டுள்ளது என்றாா் அவா்.