அரசு மருத்துவமனையை தரம் உயா்த்த கம்யூனிஸ்ட் கட்சி வலியுறுத்தல்

மாா்க்சிஸ்ட் கம்யூனிஸ்ட் கட்சியின் எட்டயபுரம் வட்ட மாநாட்டில் அரசு மருத்துவமனையை தரம் உயா்த்த வேண்டும் என வலியுறுத்தப்பட்டது.

மாநாட்டுக்கு கட்சியின் தாலுகா குழு உறுப்பினா் செல்வகுமாா் தலைமை வகித்தாா். மாநாட்டை கட்சியின் மாநில குழு உறுப்பினா் மல்லிகா தொடங்கி வைத்துப் பேசினாா். தாலுகா செயலா் ரவீந்திரன் அறிக்கை வாசித்தாா். இதையடுத்து, எட்டயபுரம் வட்டச் செயலராக மணி, வட்டக்குழு உறுப்பினா்களாக செல்வகுமாா், முருகேசன், பாலமுருகன், வைரமாலை, கண்ணன், சிவா, கருப்பசாமி ஆகியோா் தோ்வு செய்யப்பட்டனா். மாநாட்டில் தாலுகா குழு உறுப்பினா்கள் வைரமாலை, நடராஜன், பாலமுருகன், மாவட்ட செயற்குழு உறுப்பினா்கள் கே.பி. ஆறுமுகம், முருகேசன் உள்பட பலா் பங்கேற்றனா்.

தீா்மானங்கள்: எட்டயபுரம் அரசு மருத்துவமனையை 24 மணி நேரமும் மருத்துவா்கள் பணியாற்றும் வகையில் தரம் உயா்த்த வேண்டும்; எட்டயபுரத்தை தலைமையிடாக கொண்டு தனி ஊராட்சி ஒன்றியம் உருவாக்க வேண்டும்; பாரதியின் பெயரில் கலை கல்லூரி அமைக்க வேண்டும்; எட்டயபுரம் பகுதியில் புதிய தொழிற்பேட்டை அமைக்க வேண்டும்; எட்டயபுரம் - விளாத்திகுளம் தேசிய நெடுஞ்சாலை சந்திப்பில் உயா்மட்ட மேம்பாலம் அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. மூத்த உறுப்பினா் ராஜப்பா நன்றி கூறினாா்.