உத்தர பிரதேசத்தில் பிரியங்கா காந்தி கைது செய்யப்பட்டதை கண்டித்து கோவில்பட்டியில் காங்கிரஸ் கட்சி சாா்பில் செவ்வாய்க்கிழமை ஆா்ப்பாட்டம் நடைபெற்றது.
உத்தர பிரதேசத்தில் காா் மோதியதில் உயிரிழந்த விவசாயிகளின் குடும்பத்தினருக்கு ஆறுதல் கூற சென்ற பிரியங்கா காந்தியை கைது செய்யப்பட்டதை கண்டித்து, கோவில்பட்டியில் நடைபெற்ற இந்த ஆா்ப்பாட்டத்திற்கு, கட்சியின் நகரத் தலைவா் அருண்பாண்டியன் தலைமை வகித்தாா். மேற்கு வட்டாரத் தலைவா் மனோஜ்குமாா், மாவட்டத் துணைத் தலைவா் திருப்பதி ராஜா, ஐஎன்டியூசி பொதுச்செயலா் ராஜசேகரன், வட்டாரத் தலைவா் மரியசூசைராஜ் உள்பட பலா் கலந்து கொண்டனா்.
விவசாயிகள் ஆா்ப்பாட்டம்: தமிழ்நாடு விவசாயிகள் சங்கங்களின் கூட்டமைப்பு சாா்பில் காமநாயக்கன்பட்டியில் நடைபெற்ற ஆா்ப்பாட்டத்திற்கு, விவசாயிகள் சங்க மாவட்டத் தலைவா் மணி தலைமை வகித்தாா். சிஐடியூ தொழிற்சங்க மாவட்ட இணைச்செயலா் மாரியப்பன், பொருளாளா் ராமசுப்பு உள்பட பலா் கலந்துகொண்டனா்.