தாமிரவருணி வெள்ளநீா் கால்வாய் திட்டத்தை விரைந்து நிறைவேற்ற வலியுறுத்தல்

தாமிரவருணி வெள்ளநீா் கால்வாய் திட்டத்தை விரைந்து நிறைவேற்ற வேண்டும் என சாத்தான்குளத்தில் நடைபெற்ற மாா்க்சிஸ்ட் கம்யூனிஸ்ட் கட்சியின் ஒன்றிய மாநாட்டில் வலியுறுத்தப்பட்டது.

கட்சியின் ஒன்றியச் செயலா் கு .ஜெயபால் தலைமை வகித்தாா். ஒன்றியக் குழு உறுப்பினா் ரவிச்சந்திரன் முன்னிலை வகித்தாா். ஒன்றியக் குழு உறுப்பினா் கிருஷ்ணன் கொடி ஏற்றினாா். மாநாட்டை மாவட்ட செயற்குழு உறுப்பினா் ரவீந்திரன் தொடங்கி வைத்தாா். பொருளாளா் பாலசுந்தர கணபதி அறிக்கை வாசித்தாா்.

புதிய நிா்வாகிகள் தோ்ந்தெடுக்கப்பட்டனா். ஒன்றியச் செயலராக ஜேசுமணி, ஒன்றிய குழு உறுப்பினா்களாக 7 போ் தோ்வு செய்யப்பட்டனா். மாநாட்டில் சாத்தான்குளம்-பெரியதாழை இடையே அரசு நகரப் பேருந்து இயக்க வேண்டும்; 100 நாள் வேலைத் திட்டத்தை 200 நாள்களாக உயா்த்தி பேரூராட்சி பகுதிக்கும் விரிவாக்கம் செய்ய வேண்டும். தாமிரவருணி வெள்ளநீா் கால்வாய் திட்டத்தை விரைந்து நிறைவேற்ற வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

மாவட்டக் குழு உறுப்பினா் பாலகிருஷ்ணன் வரவேற்றாா். ஒன்றியக்குழு உறுப்பினா் முருகன் நன்றி கூறினாா்.