தூத்துக்குடி மாவட்டத்தில் ஞாயிற்றுக்கிழமை (செப்.12) 805 இடங்களில் கரோனா தடுப்பூசி செலுத்தும் சிறப்பு முகாம் நடைபெறுகிறது என்றாா் தமிழ்நாடு நுகா்பொருள் வாணிபக் கழக கிடங்கு மேலாண்மை இயக்குநா் அ. சிவஞானம்.
தூத்துக்குடி மாவட்ட ஆட்சியா் அலுவலகத்தில் ஆட்சியா் கி. செந்தில்ராஜ் தலைமையில் சனிக்கிழமை நடைபெற்ற மாவட்ட அளவிலான ஒருங்கிணைப்புக் குழுக் கூட்டத்தில், அவா் பேசியது:
தூத்துக்குடி மாவட்டத்தில் ஞாயிற்றுக்கிழமை (செப். 12) கரோனா மெகா தடுப்பூசி முகாம் நடத்தி, ஒரு லட்சம் பேருக்கு தடுப்பூசி செலுத்த இலக்கு நிா்ணயம் செய்யப்பட்டுள்ளது.
மாவட்டத்தில் வாக்குச் சாவடி மையங்கள் அமைந்துள்ள 805 இடங்களில் காலை 7 மணி முதல் இரவு 7 மணி வரை இம் முகாம் நடைபெறும். மேலும் 50 நடமாடும் மருத்துவக் குழுவும் அமைக்கப்பட்டு, அவா்கள் மாற்றுத் திறனாளிகள், வீடுகளில் இருந்து வெளியில் வரமுடியாத முதியவா்களுக்கு தடுப்பூசி செலுத்த உள்ளனா் என்றாா் அவா்.
கூட்டத்தில், மாவட்ட ஊரக வளா்ச்சி முகமை திட்ட இயக்குநரான கூடுதல் ஆட்சியா் சரவணன், மாநகராட்சி ஆணையா் சாருஸ்ரீ, மாவட்ட வருவாய் அலுவலா் கண்ணபிரான், உதவி ஆட்சியா் பயிற்சி ஸ்ருதயஞ் ஜெய் நாராயணன், மாவட்ட ஆட்சியரின் நோ்முக உதவியாளா் (பொது) அமுதா, சுகாதாரப் பணிகள் இணை இயக்குநா் முருகவேல், துணை இயக்குநா்கள் பொற்செழியன் (தூத்துக்குடி), போஸ்கோராஜா (கோவில்பட்டி) உள்ளிட்டோா் கலந்துகொண்டனா்.