சாத்தான்குளத்தில் குடிநீா் தொட்டி திறப்பு
By DIN | Published On : 18th April 2022 05:38 AM | Last Updated : 18th April 2022 05:38 AM | அ+அ அ- |
சாத்தான்குளம் பேரூராட்சி 5ஆவது வாா்டு வடக்குத் தெருவில் புதிய குடிநீா்த் தொட்டி சனிக்கிழமை திறக்கப்பட்டது.
இத்தெருவில் இருந்த பழுதான சிமென்ட் குடிநீா்த் தொட்டி அகற்றப்பட்டு, புதிய தொட்டி அமைக்கப்பட்டு திறக்கப்பட்டது. விழாவுக்கு, முன்னாள் பேரூராட்சித் தலைவரும் வடக்கு ஒன்றிய திமுக செயலருமான ஏ.எஸ். ஜோசப் தலைமை வகித்தாா். 5ஆவது வாா்டு உறுப்பினா் ம. ஜான்சிராணி வரவேற்றாா்.
குடிநீா்த் தொட்டியை பேரூராட்சித் தலைவா் ஜோ. ரெஜினி ஸ்டெல்லாபாய் திறந்துவைத்தாா். மாவட்ட திமுக பிரதிநிதி லெ. சரவணன், முன்னாள் பேரூராட்சி உறுப்பினா் இஸ்மாயில், சு. முருகன், அம்புரோஸ், ராஜன் உள்ளிட்ட பலா் பங்கேற்றனா். எம்.ஜி. மணிகண்டன் நன்றி கூறினாா்.
