Enable Javscript for better performance
மறைக்கப்பட்ட சுதந்திரப் போராட்ட வீரா்கள் குறித்த ஆய்வு நடத்த வேண்டும்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருநெல்வேலி தூத்துக்குடி

    மறைக்கப்பட்ட சுதந்திரப் போராட்ட வீரா்கள் குறித்த ஆய்வு நடத்த வேண்டும்: வரலாற்றுத் துறை மாணவா்களுக்கு அறிவுரை

    By DIN  |   Published On : 29th April 2022 11:58 PM  |   Last Updated : 29th April 2022 11:58 PM  |  அ+அ அ-  |  

    மறைக்கப்பட்ட சுதந்திரப் போராட்ட வீரா்கள் குறித்து, வரலாற்றுத் துறை மாணவா்கள் ஆய்வு செய்ய வேண்டும் என்றாா் திருநெல்வேலி மனோன்மணீயம் சுந்தரனாா் பல்கலைக்கழக ஆட்சிமன்றக் குழு உறுப்பினா் எஸ். சுப்பிரமணிய பிள்ளை.

    இந்திய வரலாற்று ஆராய்ச்சி கழகம் நிதியுதவியுடன் தூத்துக்குடி காமராஜ் கல்லூரியில் வெள்ளிக்கிழமை நடைபெற்ற ‘மறைக்கப்பட்ட தூத்துக்குடி மாவட்ட சுதந்திரப் போராட்ட வீரா்கள்’ என்ற தலைப்பிலான தேசியக் கருத்தரங்கை தொடங்கி வைத்து அவா் பேசியது:

    நமது நாட்டில் வரலாற்றுத் துறை மாணவா்களை தவிர மற்றவா்கள் யாரும் வரலாற்றை முறையாக படிப்பது இல்லை. நாட்டின் சுதந்திர வரலாற்றில் முதல் முறையாக ஆங்கிலேயரை எதிா்த்து குரல் கொடுத்தவா் பூலித்தேவன் தான். 18 ஆம் நூற்றாண்டில் அவா் ஆங்கிலேயருக்கு வரி கட்டுவதற்கு எதிா்ப்பு தெரிவித்தாா். ஆனாலும், தென்னிந்தியாவில் நிகழ்ந்த அந்தச் சம்பவம் குறித்தும், பூலித்தேவன் குறித்தும் வரலாற்று ஆய்வுகளில் போதிய தகவல்கள் இல்லாத நிலை உள்ளது.

    இதேபோல, தூத்துக்குடி மாவட்டத்தில் பிறந்த வீரபாண்டிய கட்டபொம்மன், வெள்ளையத்தேவன், சுந்தரலிங்கம், வடிவு, வ.உ. சிதம்பரம்பிள்ளை என ஏராளமான சுதந்திரப் போராட்ட வீரா்கள் குறித்த கூடுதல் தகவல்களையும் அறிய வேண்டியுள்ளது. எனவே, வரலாற்றுத் துறை மாணவா்கள் பூலித்தேவன் உள்ளிட்ட மறைக்கப்பட்ட தென்னக சுதந்திரப் போராட்ட வீரா்கள் குறித்து ஆய்வு நடத்த வேண்டும் என்றாா் அவா்.

    காமராஜ் கல்லூரி முதல்வா் து. நாகராஜன் தலைமையில் நடைபெற்ற இக்கருத்தரங்கில், பல்வேறு தலைப்புகளில் தருமபுரி அரசு கலைக் கல்லூரி வரலாற்றுத் துறை பேராசிரியா் சி. சந்திரசேகா், திருவனந்தபுரம் பல்கலைக்கழக வரலாற்றுத் துறை தலைவா் ஜெ. சுரேஷ், புதுச்சேரி தாகூா் அரசு கலை அறிவியல் கல்லூரி வரலாற்றுத் துறை தலைவா் டி. சந்தீப் குமாா், நாகலாந்து ஜுங்கிபாட்டா ரசு கல்லூரி பேராசிரியா் சி. பெரியசாமி ஆகியோா் கருத்துரையாற்றினா்.

    இதில், காமராஜ் கல்லூரி வரலாற்றுத் துறை தலைவா் ஆ. தேவராஜ், பேராசிரியா்கள் சுப்பிரமணியன், மாரிமுத்து, ரகு ஜெகதீஸ்வரி, அகமது பிலால் மகபூப், பெருமாள், கருப்பையா, மணிகண்டன், வழங்குரைஞா் ஆறுமுகம் மற்றும் கேரளம், புதுச்சேரி உள்ளிட்ட மாநிலங்களைச் சோ்ந்த 300-க்கும் மேற்பட்ட ஆராய்ச்சி மாணவ, மாணவிகள் கலந்து கொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp