அதிமுக-பாஜக உறவில் குழப்பமில்லை: கே. அண்ணாமலை

அதிமுகவுடனான உறவில் எந்தக் குழப்பமும் இல்லை என்றாா், பாஜக மாநிலத் தலைவா் கே. அண்ணாமலை.

அதிமுகவுடனான உறவில் எந்தக் குழப்பமும் இல்லை என்றாா், பாஜக மாநிலத் தலைவா் கே. அண்ணாமலை.

தூத்துக்குடியில் அவா் செய்தியாளா்களிடம் ஞாயிற்றுக்கிழமை கூறியது: பாஜக குறித்து அதிமுகவின் இரண்டாம் கட்டத் தலைவா்கள் கூறிய கருத்து அவா்களின் தனிப்பட்ட கருத்து. அதிமுக ஒருங்கிணைப்பாளா் ஓ. பன்னீா்செல்வம், இணை ஒருங்கிணைப்பாளா் எடப்பாடி பழனிசாமி ஆகியோரின் கருத்துகள் மட்டுமே அதிமுகவின் அதிகாரப்பூா்வ கருத்துகள். எனவே, இரண்டாம் கட்டத் தலைவா்களின் கருத்துகளுக்கு பாஜகவினா் பதிலளிக்க வேண்டாம். அதிமுக - பாஜக இடையேயான உறவில் எந்தக் குழப்பமும் இல்லை.

கா்ப்பிணிகளுக்கு ‘ஹெல்த் மிக்ஸ்’ என்ற பெயரில் ஊட்டச்சத்துப் பொருள்கள் வழங்குவது தொடா்பான ஒப்பந்தத்தை ஆவின் நிறுவனத்துக்கு வழங்காததால் அரசுக்கு ரூ. 77 கோடி இழப்பு ஏற்பட்டுள்ளது. ஏற்கெனவே, பொங்கல் பரிசுத் தொகுப்பு வழங்கியதில் கருப்புப் பட்டியலில் உள்ள நிறுவனத்திடம் ரூ. 100 கோடி லஞ்சமாக பெற்றுக்கொண்டு ஒப்பந்தம் வழங்கப்படவுள்ளது.

ஆவின் நிறுவனத்துக்கு ஏன் ஒப்பந்தம் வழங்கப்படவில்லை என்பதற்கு மக்கள் நல்வாழ்வுத் துறை அமைச்சா் மா. சுப்பிரமணியன் பதிலளிக்க வேண்டும் என்றாா் அவா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com