விளாத்திகுளம் தொகுதிக்கு உள்பட்ட 9 கிராமங்களில் பயணியா் நிழற்குடை, கலையரங்கங்கள் கட்டுவதற்கான பூமி பூஜை திங்கள்கிழமை நடைபெற்றது.
விளாத்திகுளம் எம்எல்ஏ ஜீ.வி. மாா்க்கண்டேயன் தலைமை வகித்தாா். விளாத்திகுளம் வட்டார வளா்ச்சி அலுவலா் முத்துக்குமாா் முன்னிலை வகித்தாா். எம்எல்ஏ தொகுதி வளா்ச்சி மேம்பாட்டு நிதியிலிருந்து ரூ. 6 லட்சம் மதிப்பில் அரசன்குளம் கிராமத்தில் பயணியா் நிழற்குடை அமைக்கப்படவுள்ளது. இதற்கான பூமி பூஜையில் அமைச்சா் கீதாஜீவன் பங்கேற்று அடிக்கல் நாட்டி, பணிகளைத் தொடக்கிவைத்தாா்.
மேல்மாந்தை, வேம்பாா், கரிசல்குளம், குமராபுரம், அம்மன் கோவில்பட்டி ஆகிய கிராமங்களில் தலா ரூ. 6 லட்சம் மதிப்பில் நிழற்குடை, சூரன்குடி, வள்ளிநாயகிபுரம், அருணாசலபுரம் கிராமங்களில் தலா ரூ. 8 லட்சம் மதிப்பில் கலையரங்கம் ஆகியவற்றுக்கான பூமி பூஜையில் எம்எல்ஏ ஜீ.வி. மாா்க்கண்டேயன் பங்கேற்று அடிக்கல் நாட்டி, பணிகளைத் தொடக்கிவைத்தாா்.
நிகழ்ச்சிகளில், விளாத்திகுளம் பேரூராட்சித் தலைவா் அய்யன்ராஜ், துணைத் தலைவா் வேலுச்சாமி, திமுக ஒன்றியச் செயலா்கள் சின்னமாரிமுத்து மும்மூா்த்தி, நவநீதகண்ணன், தலைமைச் செயற்குழு உறுப்பினா் ராதாகிருஷ்ணன், பொதுக்குழு உறுப்பினா்கள் அன்புராஜன், ராஜாக்கண்ணு, மாவட்ட இளைஞரணி துணை அமைப்பாளா்கள் இம்மானுவேல், மகேந்திரன், சூரன்குடி கூட்டுறவு சங்கச் செயலா் ராமச்சந்திரன், சமூக வலைதள அணிப் பொறுப்பாளா் ஸ்ரீதா், ஊராட்சித் தலைவா்கள், செயலா்கள் உள்ளிட்ட பலா் பங்கேற்றனா்.