Enable Javscript for better performance
South Indian Volleyball: Starting today at Palai- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருநெல்வேலி தூத்துக்குடி

    தென்னிந்திய வாலிபால்: பாளை.யில் இன்று தொடக்கம்

    By DIN  |   Published On : 13th May 2022 12:59 AM  |   Last Updated : 13th May 2022 12:59 AM  |  அ+அ அ-  |  

    தென்னிந்திய இருபாலா் வாலிபால் போட்டி பாளையங்கோட்டை அண்ணா விளையாட்டு மைதானத்தில் வெள்ளிக்கிழமை(மே 13) மாலை 5 மணிக்கு தொடங்குகிறது.

    இது தொடா்பாக ஷிபா மருத்துவமனையின் நிா்வாக இயக்குநா் எம்.கே.எம்.முகமது ஷாபி கூறியதாவது:

    திருநெல்வேலி ஷிஃபா மருத்துவமனை, திருநெல்வேலி மாவட்ட வாலிபால் சங்கம் ஆகியவற்றின் சாா்பில் தென்னிந்திய அளவிலான ஆண்கள், மகளிா் வாலிபால் லீக் போட்டிகள் பாளையங்கோட்டை அண்ணா விளையாட்டு மைதானத்தில் வெள்ளிக்கிழமை முதல் ஞாயிற்றுக்கிழமை வரை 3 நாள்கள் நடைபெறும். மாலை 5 மணிக்கு நடைபெறும் இப்போட்டியின் தொடக்க நிகழ்ச்சிக்கு, மாநகராட்சி ஆணையா் பா.விஷ்ணு சந்திரன் தலைமை வகிக்கிறாா். மேயா் பி.எம்.சரவணன், துணை மேயா் கே.ஆா்.ராஜூ ஆகியோா் சிறப்பு விருந்தினா்களாகப் பங்கேற்று போட்டியைத் தொடங்கிவைக்கின்றனா். மாவட்ட விளையாட்டு அலுவலா் எஸ்.ராஜேஷ் வரவேற்கிறாா்.

    ஆடவா் பிரிவில் தமிழ்நாடு காவல் துறை, சென்னை எஸ்ஆா்எம், மத்திய கலால் துறை, இந்தியன் வங்கி அணிகள் பங்கேற்கின்றன. மகளிா் பிரிவில் கேரள காவல்துறை, சென்னை எஸ்ஆா்எம், மதுரை அமெரிக்கன் கல்லூரி, ஈரோடு பிகேஆா் கல்லூரி அணிகள் பங்கேற்கின்றன. இந்தப் போட்டிகள் அனைத்தும் லீக் முறையில் நடைபெறுகிறது.

    ஆடவா் பிரிவில் முதலிடம் பிடிக்கும் அணிக்கு ஷிஃபா டிராபியுடன் ரூ.40 ஆயிரம், 2, 3, 4-ஆவது இடங்களைப் பிடிக்கும் அணிகளுக்கு முறையே ரூ.30 ஆயிரம், ரூ.20 ஆயிரம், ரூ.10 ஆயிரம் ரொக்கப் பரிசுகள் வழங்கப்படவுள்ளன. மகளிா் பிரிவில் முதல் பரிசு ரூ.25 ஆயிரம், 2-ஆவது பரிசு ரூ.20 ஆயிரம், 3, 4-ஆவது பரிசாக முறையே ரூ.15 ஆயிரம், ரூ.10 ஆயிரம் ரொக்கப் பரிசுகள் வழங்கப்படவுள்ளன.

    ஞாயிற்றுக்கிழமை பரிசளிப்பு விழா நடைபெறும். மாநகர காவல் துணை ஆணையா் (கிழக்கு) டி.பி.சுரேஷ்குமாா் பங்கேற்றுப் பரிசுகளை வழங்குகிறாா் என்றாா் அவா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp