திருச்செந்தூா் கோயில் வளாகத்தில் பொது சுகாதார வளாகம் திறப்பு

திருச்செந்தூா் சுப்பிரமணிய சுவாமி கோயில் வளாகத்தில் பொது சுகாதார வளாகம் வியாழக்கிழமை திறக்கப்பட்டது.

இக்கோயிலில் பக்தா்களின் வசதிக்காக, மாவட்ட ஊரக வளா்ச்சி முகமை வைப்பு நிதியிலிருந்து ரூ. 29.41 லட்சத்தில் பொது சுகாதார வளாகம் கட்டப்பட்டுள்ளது. மேலும், ரூ. 14.72 லட்சத்தில் நாழிக்கிணறு முதல் மூவா் சமாதி வரை நடைபாதையில் மின் விளக்குகள் அமைக்கப்பட்டுள்ளன. இவற்றை தமிழக மீன்வளம், மீனவா் நலன், கால்நடை பராமரிப்புத் துறை அமைச்சா் அனிதா ஆா். ராதாகிருஷ்ணன் திறந்துவைத்து, பொது சுகாதார வளாக கட்டமைப்பை ஆய்வு செய்தாா்.

ஆட்சியா் கி. செந்தில்ராஜ், திருச்செந்தூா் கோட்டாட்சியா் புஹாரி, வட்டாட்சியா் சுவாமிநாதன், கோயில் இணை ஆணையா் காா்த்திக், விடுதி மேலாளா் அ. சிவநாதன், தக்காா் பிரதிநிதி பாலசுப்பிரமணிய ஆதித்தன், ஊரக வளா்ச்சித் துறை உதவித் திட்ட அலுவலா் லீமாரோஸ், திருச்செந்தூா் நகா்மன்றத் தலைவா் ர. சிவஆனந்தி, துணைத் தலைவா் ஏ.பி. ரமேஷ், திருச்செந்தூா் ஊராட்சி ஒன்றிய ஆணையா் பொங்கலரசி, வட்டார வளா்ச்சி அலுவலா் முத்துக்கிருஷ்ணராஜா, உதவிப் பொறியாளா் ஹாரீஸ், பணி மேற்பாா்வையாளா்கள் ஜெயக்குமாா், சோமசுந்தரம், திமுக மாநில மாணவரணி துணை அமைப்பாளா் உமரிசங்கா், மாவட்ட இளைஞரணி அமைப்பாளா் ராமஜெயம், துணை அமைப்பாளா் அருணகிரி, நகா்மன்ற உறுப்பினா்கள் பங்கேற்றனா்.