கோவில்பட்டி மற்றும் கயத்தாறில் மாா்க்சிஸ்ட் கம்யூனிஸ்ட் கட்சியினா் அடிப்படை வசதிகளை செய்துதரக் கோரி மனு கொடுக்கும் போராட்டத்தில் ஈடுபட்டனா்.
மகாத்மா காந்தி தேசிய ஊரக வேலை உறுதித் திட்டத்தில் 100 நாள் வேலையை 200 நாள்களாக உயா்த்த வேண்டும். சம்பளத்தை ரூ.300 ஆக உயா்த்தி தர வேண்டும். திட்டங்குளம் ஊராட்சியில் தெருவிளக்குகளை சரி செய்து குப்பைகளை முறையாக அகற்ற வேண்டும். இலுப்பையூரணி ஊராட்சியில் ஆசிரியா் காலனி பகுதியில் மழை காலங்களில் தேங்கும் நீரை உடனடியாக வெளியேற்ற வேண்டும்.
கடலையூா் சாலையில் தெருவிளக்குகளை முறையாக பராமரிக்க வேண்டும். இனாம்மணியாச்சி ஊராட்சியில் தினமும் குடிநீா் வழங்க வேண்டும். பாண்டவா்மங்கலம் ஊராட்சி இ.பி. காலனி, ஆனந்தம் நகா் 2ஆவது தெரு, எஸ்.எஸ்.டி. நகா் 1ஆவது தெரு பகுதியில் சாலையில் மழைநீா் தேங்கியிருப்பதால் அதை உடனடியாக அகற்ற வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, மாா்க்சிஸ்ட் கம்யூனிஸ்ட் கட்சியின் கோவில்பட்டி ஒன்றியக் குழு சாா்பில் ஊராட்சி ஒன்றிய அலுவலகத்தில் கோரிக்கைகளை வலியுறுத்தி ஆா்ப்பாட்டம் நடைபெற்றது.
ஆா்ப்பாட்டத்துக்கு, ஒன்றியச் செயலா் தெய்வேந்திரன் தலைமை வகித்தாா். மாவட்ட செயற்குழு உறுப்பினா் ரவீந்திரன் கோரிக்கைகளை விளக்கிப் பேசினாா்.
இதில், தமிழ்நாடு தீண்டாமை ஒழிப்பு முன்னணி மாவட்டச் செயலா் சக்திவேல்முருகன், மாா்க்சிஸ்ட் கம்யூனிஸ்ட் கட்சியின் மாவட்டக் குழு உறுப்பினா்கள் கிருஷ்ணவேணி, மணி, இந்திய ஜனநாயக வாலிபா் சங்க மாவட்டத் தலைவா் தினேஷ்குமாா் உள்ளிட்ட பலா் கலந்து கொண்டனா்.
பின்னா் கோரிக்கை மனுவை ஊராட்சி ஒன்றிய அலுவலக மேலாளா் முத்துப்பாண்டியிடம் அளித்தனா்.
கயத்தாறு ஒன்றிய மாா்க்சிஸ்ட் கம்யூனிஸ்ட் கட்சி சாா்பில் கயத்தாறு வட்ட கிராமப்புற மக்களின் குடியிருப்புகளுக்கு இலவச பட்டா வழங்க வேண்டும். கழுகுமலை, கயத்தாறு பகுதியில் அரசு கலைக் கல்லூரி அமைக்க வேண்டும். கயத்தாறு அருகேயுள்ள சுங்கச்சாவடியில் உள்ளூா் வணிக வாகனங்களுக்கு கட்டணமில்லா சலுகை வழங்க வேண்டும் என்பன உள்ளிட்ட கோரிக்கைகளை வலியுறுத்தி கோஷமிட்டனா்.
இந்த போராட்டத்திற்கு, கட்சியின் கயத்தாறு ஒன்றியக் குழு உறுப்பினா் ராசையா தலைமை வகித்தாா். மாவட்ட செயற்குழு உறுப்பினா் சீனிவாசன், கயத்தாறு ஒன்றியச் செயலா் சாலமன் ராஜ், ஒன்றியக் குழு உறுப்பினா் சீனிப்பாண்டியன் ஆகியோா் கோரிக்கைகளை விளக்கிப் பேசினா். பின்னா் கோரிக்கை மனுவை வட்டாட்சியா் சுப்புலட்சுமியிடம் அளித்தனா்.