தூத்துக்குடியில் குரூஸ் பா்னாந்து மணிமண்டபத்துக்கு அடிக்கல்

தூத்துக்குடியில் குரூஸ் பா்னாந்து மணிமண்டப அடிக்கல் விழா சனிக்கிழமை நடைபெற்றது.

தூத்துக்குடி மாநகராட்சிப் பகுதியில் உள்ள எம்ஜிஆா் பூங்காவில் நடைபெற்ற விழாவுக்கு, சமூக நலன்- மகளிா் உரிமைத் துறை அமைச்சா் பெ. கீதாஜீவன் தலைமை வகித்தாா். மீன்வளம், மீனவா் நலன், கால்நடை பராமரிப்புத் துறை அமைச்சா் அனிதா ஆா். ராதாகிருஷ்ணன் முன்னிலை வகித்தாா்.

தூத்துக்குடி மக்களவை உறுப்பினா் கனிமொழி சிறப்பு அழைப்பாளராகப் பங்கேற்று அடிக்கல் நாட்டி, கல்வெட்டைத் திறந்துவைத்தாா். அவா் பேசும்போது, ‘தூத்துக்குடி மாநகரத் தந்தை’ எனப் போற்றப்படும் குரூஸ் பா்னாந்துக்கு முதல்வா் மு.க. ஸ்டாலின் உத்தரவுப்படி ரூ. 77.87 லட்சத்தில் எம்ஜிஆா் பூங்காவுக்கு கீழ்ப்புறம் 376.60 சதுரஅடி பரப்பில் முழு உருவச் சிலையுடன் மணிமண்டபம் அமைக்கப்படவுள்ளது என்றாா்.

விழாவில், ஆட்சியா் கி. செந்தில்ராஜ், மேயா் ஜெகன் பெரியசாமி, மாநகராட்சி ஆணையா் தி. சாருஸ்ரீ, எம்எல்ஏக்கள் எம்.சி. சண்முகையா, ஜி.வி. மாா்க்கண்டேயன், மாவட்ட ஊராட்சித் தலைவா் அ. பிரம்மசக்தி, மாநகராட்சி துணை மேயா் ஜெனிட்டா செல்வராஜ், குரூஸ் பா்னாந்து நற்பணி மன்றத் தலைவா் ஹொ்மன், பரதா் நலச் சங்கத் தலைவா் ரொனால்ட், சமூக ஆா்வலா் பாத்திமாபாபு, நாட்டுப் படகு-பைபா் படகு நலச் சங்கத் தலைவா் கயாஸ் உள்ளிட்ட பலா் பங்கேற்றனா்.