ஆவணித் திருவிழா 8ஆம் நாள்; திருச்செந்தூரில் சுவாமி சண்முகா் பச்சை சாத்தி வீதியுலா: நாளை தேரோட்டம்

திருச்செந்தூா் அருள்மிகு சுப்பிரமணிய சுவாமி கோயிலில் ஆவணித் திருவிழா 8ஆம் நாளான சனிக்கிழமை காலை சுவாமி சண்முகப்பெருமான் வெள்ளை சாத்தி வெள்ளிச் சப்பரத்திலும், பகலில் பச்சை சாத்தி பச்சைக் கடைசல் சப்பரத்திலும் வீதியுலா வருதல் நடைபெற்றது. சிகர நிகழ்ச்சியான தேரோட்டம் திங்கள்கிழமை (செப். 2) நடைபெறுகிறது.

சனிக்கிழமை காலை சுவாமி பந்தல் மண்டபம், தையல் நாயகி வகையறா மண்டகப்படி மண்டபத்திலிருந்து பெரிய வெள்ளிச் சப்பரத்தில் வெள்ளைச் சாத்தி பிரம்மா அம்சத்தில் எழுந்தருளி வீதி வலம் வந்து மேலக்கோயில் சோ்ந்தாா்.

தொடா்ந்து, பந்தல் மண்டபம், ஸ்ரீவைகுண்டம் சுந்தரராமசுப்பிரமணிய பிள்ளை வகையறா மண்டபத்தில் சுவாமிக்கு சிறப்பு அபிஷேகம், அலங்காரம், தீபாராதனை நடைபெற்று, நண்பகல் 12 மணிக்கு பச்சை சாத்தி, பச்சைக் கடைசல் சப்பரத்தில் வீதியுலா வந்து கோயில் சோ்ந்தாா்.

ஞாயிற்றுக்கிழமை காலை (செப். 1) சுவாமி குமரவிடங்கப் பெருமானும், சுவாமி அலைவாயுகந்தப் பெருமானும் தனித்தனி வெள்ளிக் குதிரையில் எழுந்தருளி திருநெல்வேலி சாலையில் உள்ள வேட்டைவெளி மண்டபத்தில் திருக்கண் சாத்தி, வீதியுலா வந்து மேலக்கோயில் சோ்கின்றனா்.

பகலில் சுவாமி குமரவிடங்கப் பெருமான், வள்ளியம்மன் தனித்தனிப் பல்லக்கிலும், இரவில் சுவாமி தங்கக் கயிலாய பா்வத வாகனத்திலும், அம்மன் வெள்ளிக் கமல வாகனத்திலும் வீதியுலா வருவா்.

தேரோட்டம்: திருவிழாவின் சிகர நிகழ்வான தேரோட்டம் திங்கள்கிழமை நடைபெறுகிறது. காலை 6.30 மணிக்கு தேரோட்டம் தொடங்குகிறது. பிள்ளையாா் ரதம், சுவாமி தோ், அம்மன் தோ்கள் வீதி வலம் வந்து நிலை சோ்கின்றன.

பக்தா்கள் வசதிக்கா பல்வேறு வழித்தடங்களில் சிறப்புப் பேருந்துகள் இயக்கப்படுகின்றன. காவல் துணைக் கண்காணிப்பாளா் மு. வசந்தராஜ் தலைமையில் காவல் துறையினா் பாதுகாப்புப் பணியில் ஈடுபட்டுள்ளனா்.