வெள்ளத்தால் பாதிக்கப்பட்ட மாணவா்கள், பொதுமக்களுக்கு நிவாரண உதவி: கூடுதல் ஆட்சியா் வழங்கினாா்

தூத்துக்குடியில் மழை வெள்ளத்தால் பாதிக்கப்பட்ட திருவிக நகா், இந்திராநகா் பகுதி மாணவா்கள் மற்றும் பொதுமக்களுக்கு நிவாரண உதவிகளை மாவட்ட கூடுதல் ஆட்சியா் ஐஸ்வா்யா புதன்கிழமை வழங்கினாா்.
வெள்ளத்தால் பாதிக்கப்பட்ட மாணவா்கள், பொதுமக்களுக்கு நிவாரண உதவி: கூடுதல் ஆட்சியா் வழங்கினாா்

தூத்துக்குடியில் மழை வெள்ளத்தால் பாதிக்கப்பட்ட திருவிக நகா், இந்திராநகா் பகுதி மாணவா்கள் மற்றும் பொதுமக்களுக்கு நிவாரண உதவிகளை மாவட்ட கூடுதல் ஆட்சியா் ஐஸ்வா்யா புதன்கிழமை வழங்கினாா். 

சென்னை பெனியேல் மிஷன் அறக்கட்டளை சாா்பில் துாத்துக்குடியில் மழையால் பாதிக்கப்பட்ட திருவிக நகா், இந்திராநகா் பகுதி மக்களுக்கு நிவாரண உதவி வழங்கும் நிகழ்ச்சி தூத்துக்குடியில் உள்ள ஒரு தனியாா் கூட்டரங்கில் நடைபெற்றது. இந்நிகழ்வுக்கு, பெனியேல் மிஷன் அறக்கட்டளை நிா்வாக அறங்காவலா் தேவபுத்திரன் தலைமை வகித்தாா். அதிமுக தெற்கு மாவட்ட துணைச் செயலா் சந்தனம், மாநகராட்சி எதிா்கட்சி கொறடா வழக்குரைஞா் மந்திரமூா்த்தி ஆகியோா் முன்னிலை வகித்தனா். மாவட்ட கூடுதல் ஆட்சியா் ஐஸ்வா்யா சிறப்பு அழைப்பாளராகப் பங்கேற்று, மழை வெள்ளத்தில் பாதிக்கப்பட்ட சுமாா் 200 மாணவா்கள் மற்றும் பொதுமக்களுக்கு நோட்டு புத்தங்கள், புத்தகப்பை, மிக்சி உள்ளிட்டவற்றை வழங்கினாா். அப்போது அவா் பேசியது: தூத்துக்குடி மாவட்டத்தில் கடந்த டிசம்பா் மாதம் வரலாறு காணாத மழை பெய்தது. இந்த மழையால் மக்கள் கடும் பாதிப்பை சந்தித்தனா். பாதிக்கப்பட்ட மக்களுக்கு பல்வேறு நிறுவனங்கள் உதவி செய்வதற்காக இடுக்கண் களைவோம் என்ற இணைய தளம் தொடங்கப்பட்டுள்ளது. இந்த இணைய தளத்தில், மழை வெள்ளத்தில் பாதிக்கப்பட்ட மக்களுக்கு உதவவேண்டும் என்ற எண்ணம் உள்ளவா்கள் உதவி செய்யலாம் என்றாா்.இந்நிகழ்வில், பெனியேல் மிஷன் அறக்கட்டளை நிா்வாகிகள் வக்கேஷ் குமாா், அலெக்சாண்டா் உள்பட பலா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com