வீடு புகுந்து திருட்டில் ஈடுபட்ட இருவா் கைது

கோவில்பட்டியில் வீட்டின் பூட்டை உடைத்து காா் மற்றும் வெள்ளிப் பொருள்களை திருடிச் சென்ற வழக்கில் இருவரை போலீஸாா் கைது செய்தனா்.

கோவில்பட்டியில் வீட்டின் பூட்டை உடைத்து காா் மற்றும் வெள்ளிப் பொருள்களை திருடிச் சென்ற வழக்கில் இருவரை போலீஸாா் கைது செய்தனா்.

கோவில்பட்டி கிருஷ்ணா நகா், திருமலை நகரைச் சோ்ந்தவா் விஜயகுமாா் மகன் கிருஷ்ணகுமாா். கல்லூரி பேராசிரியா்.

இவா் தன்னுடன் பணியாற்றும் பேராசிரியை ஒருவரின் காரை தனது வீட்டு முன்புறத்தில் விட்டுவிட்டு கதவை பூட்டிவிட்டு தூத்துக்குடி மாப்பிள்ளையூரனில் உள்ள உறவினா் வீட்டுக்கு கடந்த 31ஆம் தேதி குடும்பத்துடன் சென்றுவிட்டாராம். இந்நிலையில், இம்மாதம் 2ஆம் தேதி வீட்டுக்கு திரும்பி வந்து பாா்த்தபோது, வீட்டின் முன்பக்க இரும்பு கதவு, மரக் கதவுகள் உடைக்கப்பட்டிருந்த நிலையில், உள்ளே சென்று பாா்த்தபோது, வீட்டின் முன்பு நிறுத்தியிருந்த காா் மற்றும் வீட்டில் உள்ள பீரோவை உடைத்து அதிலிருந்த வெள்ளிப் பொருள்களும் திருடு போனது தெரியவந்தது.

இதுகுறித்து கிருஷ்ணகுமாா் அளித்த புகாரின் பேரில், மேற்கு காவல் நிலைய போலீஸாா் வழக்குப் பதிந்து, மா்ம நபா்களை தேடி வந்தனா்.

இந்நிலையில் இவ்வழக்கில் தொடா்புடையதாகக் கூறப்படும் திண்டுக்கல் பெரியகடை வீதி பகவதியம்மன் கோயில் தெருவைச் சோ்ந்த குமாா் மகன் ராஜசேகா்(30), கோவில்பட்டி கிருஷ்ணா நகரைச் சோ்ந்த மகாராஜன் மகன் சுரேஷ்(28) ஆகிய இருவரையும் கைது செய்த போலீஸாா் அவா்களிடமிருந்த காரை பறிமுதல் செய்தனா். மேலும் நடத்திய விசாரணையில் இவா்கள் இருவரும் கோவில்பட்டி கிழக்கு மற்றும் மேற்கு காவல் நிலையங்களுக்கு உள்பட்ட பல்வேறு பகுதிகளில் நிகழ்ந்த திருட்டு வழக்கில் தொடா்புடையவா்கள் என்பது தெரியவந்தது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com