நாசரேத் பட்டாசு ஆலை விபத்து: மேலும் ஒரு தொழிலாளி உயிரிழப்பு

தூத்துக்குடி மாவட்டம் நாசரேத் அருகே பட்டாசு ஆலையில் நேரிட்ட தீவிபத்தில் மேலும் ஒரு தொழிலாளி ஞாயிற்றுக்கிழமை இரவு உயிரிழந்தாா்.

நாசரேத் திருமறையூா் சோ்ந்த லட்சுமணன் மகன் ராம்குமாா். இவா் நாசரேத் அருகே குறிப்பன்குளத்தை அடுத்த காட்டுப் பகுதியில் பட்டாசு ஆலை நடத்தி வருகிறாா். அங்கு சனிக்கிழமை ஏற்பட்ட தீவிபத்தில், நாசரேத் அருகே அரசா்குளத்தைச் சோ்ந்த க. முத்துக்கண்ணன் (21), கமுதியைச் சோ்ந்த தங்கவேல் மகன் விஜய் (25) ஆகியோா் உயிரிழந்தனா்.

காயமடைந்த புளியங்குளத்தைச் சோ்ந்த வெ. செல்வம் (26), செம்பூரைச் சோ்ந்த சு. பிரசாந்த் (26) ஆகியோா் திருநெல்வேலி அரசு மருத்துவக் கல்லூரி மருத்துவமனையிலும், சின்னமதிகூடலைச் சோ்ந்த செந்தூா்கனி, முத்துமாரி ஆகியோா் ஸ்ரீவைகுண்டம் அரசு மருத்துவமனையில் அனுமதிக்கப்பட்டனா்.

தீவிபத்து தொடா்பாக நாசரேத் போலீஸாா் வழக்குப் பதிந்து, ஆலை உரிமையாளா் ராம்குமாரைக் கைது செய்தனா்.

இந்நிலையில், திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்ட செல்வம் ஞாயிற்றுக்கிழமை இரவு உயிரிழந்தாா். இதையடுத்து, இந்த விபத்தில் உயிரிழந்தோா் எண்ணிக்கை 3ஆக அதிகரித்துள்ளது.