பேரவைத் தோ்தல் பணிகள்: கட்சியினருக்கு அமைச்சா் அறிவுரை

வருகிற 2026 சட்டப்பேரவைத் தோ்தலுக்கான பணிகளை இப்போதே தொடங்குமாறு கட்சியினரை அமைச்சா் பெ.கீதாஜீவன் அறிவுறுத்தினாா்.

தூத்துக்குடி திரேஸ்புரம், சண்முகபுரம் ஆகிய இடங்களில் திமுக பொது உறுப்பினா்கள் கூட்டம் ஞாயிற்றுக்கிழமை நடைபெற்றது. இக்கூட்டத்தில், வடக்கு மாவட்ட திமுக செயலரும் அமைச்சருமான பெ.கீதாஜீவன் சிறப்பு அழைப்பாளராகப் பங்கேற்றாா். அவா் பேசுகையில், ‘வருகிற 2026 பேரவைத் தோ்தலுக்கான பணிகளை இப்போதே தொடங்க வேண்டும். இத் தோ்தலில் 200 தொகுதிகள் என்ற இலக்கை கடந்து வெற்றி பெற வேண்டும் என்பதால், திமுக அரசின் சாதனைகளை மக்களிடம் கொண்டு சோ்க்க வேண்டும்’ என்றாா்.

இக்கூட்டத்தில், மேயா் ஜெகன் பெரியசாமி, மாநகரச் செயலா் ஆனந்தசேகரன், மண்டலத் தலைவா் நிா்மல்ராஜ், மாநகராட்சி சுகாதார குழு தலைவா் சுரேஷ்குமாா், மாவட்ட பொருளாளா் ரவீந்திரன், மாவட்ட அணி நிா்வாகிகள் குபோ் இளம்பரிதி, சீனிவாசன், அருண்குமாா், பிரபு தங்கம் உள்பட பலா் பங்கேற்னா்.