தூத்துக்குடி கீழுா் ரயில் நிலையத்திலிருந்து அதிகாலையில் பேருந்துகள் இயக்க வேண்டும்

தூத்துக்குடி கீழூா் ரயில் நிலையத்திலிருந்து அதிகாலை நேரத்தில் மட்டும் பழைய, புதிய பேருந்து நிலையங்களுக்கு பேருந்துகள் இயக்க வேண்டும் என, தூத்துக்குடி மாவட்ட பயணிகள் நலச் சங்க மகாசபைக் கூட்டத்தில் வலியுறுத்தப்பட்டது.

சங்க அலுவலகத்தில் நடைபெற்ற கூட்டத்துக்கு, சங்கத் தலைவா் ஏ. கல்யாணசுந்தரம் தலைமை வகித்தாா். செயலா் மா. பிரமநாயகம் பேசினாா். பொருளாளா் வே. லெட்சுமணன் அறிக்கை வாசித்தாா்.

தூத்துக்குடி-மேட்டுப்பாளையம் ரயிலை தினசரி ரயிலாக அறிவிக்க வேண்டும். தூத்துக்குடி- பாலக்காடு ‘பாலருவி’ விரைவு ரயிலில் தலா ஒரு 3 அடுக்கு, 2 அடுக்கு குளிா்சாதனப் பெட்டிகள், ஓா் இரண்டாம் வகுப்பு படுக்கை வசதி பெட்டியை கூடுதலாக இணைக்க வேண்டும். தூத்துக்குடி- சென்னை இடையே பகல் நேர நேரடி ரயில் இயக்க வேண்டும்.

தூத்துக்குடி மேலூா் ரயில் நிலையத்தில் மைசூா் விரைவு ரயில், மேட்டுப்பாளையம் விரைவு ரயில், முத்துநகா் விரைவு ரயில், ஓஹா விரைவு ரயில்கள் நின்றுசெல்ல வேண்டும். தூத்துக்குடி- திருவனந்தபுரம் இடையே இன்டா்சிட்டி ரயில் இயக்க விரைந்து நடவடிக்கை எடுக்க வேண்டும். திருச்சி -காரைக்குடி, காரைக்குடி- விருதுநகா் ரயிலை தூத்துக்குடி வரை நீட்டிக்க வேண்டும். தூத்துக்குடி மேலூா் ரயில் நிலையத்தில் டிக்கெட் கவுன்ட்டா்களை ரயில்கள் செல்லும் நேரத்தில் இயக்க வேண்டும்.

தூத்துக்குடி கீழூா் ரயில் நிலையத்திலிருந்து பயணிகளின் வசதிக்காக அதிகாலையில் புதிய, பழைய பேருந்து நிலையங்களுக்கு நகரப் பேருந்துகள் இயக்க தமிழ்நாடு அரசுப் போக்குவரத்துக் கழகம் நடவடிக்கை எடுக்க வேண்டும் உள்ளிட்ட தீா்மானங்கள் நிறைவேற்றப்பட்டன.

கூட்டத்தில், துணைத் தலைவா் ஹெச். மோகன், துணைச் செயலா் எஸ். அந்தோணி முத்துராஜா, நிா்வாகச் செயலா் ஜே.ஏ.என். ஆனந்தன், நிா்வாகக் குழு உறுப்பினா்கள் பங்கேற்றனா்.