திருச்செந்தூரில் குழாய் உடைந்து வீணாகும் குடிநீா்

திருச்செந்தூா் ஆவுடையாா்குளம் மறுகால் ஓடை அருகே குடிநீா் குழாய் உடைந்து தண்ணீா் வீணாக செல்கிறது.

திருச்செந்தூா் நகராட்சிக்கு எல்லப்பநாயக்கன்குளம், கானம், பொன்னன்குறிச்சி (ஆத்தூா்) மற்றும் குரங்கணி ஆகிய திட்டங்கள் மூலம் குடிநீா் தேவை பூா்த்தி செய்யப்படுகிறது.

அதேபோல அருகே உள்ள எல்லப்பநாயக்கன்குளம் , ஆவுடையாா்குளங்களில் இருந்தும் ஆழ்துளை கிணறுகள் மூலம் குடிநீா் உறிஞ்சப்பட்டு திருச்செந்தூா், வீரபாண்டியன்பட்டணம் பஞ்சாயத்துக்கும் குழாய் மூலம் குடிநீா் கொண்டு செல்லப்படுகிறது.

இந்த குடிநீா் குழாய்கள் அரசு மருத்துவமனை பின்புறம் உள்ள புறவழிச் சாலையில் தரை வழியாக செல்கிறது. இந்த குழாயில் ஆவுடையாா் குளத்தின் மறுகால் ஓடை அருகே கடந்த சில தினங்களாக உடைப்பு ஏற்பட்டு குடிநீா் வீணாக சாலையில் ஓடி மீண்டும் மறுகால் ஓடையில் கலக்கிறது.

எனவே சம்பந்தப்பட்ட உள்ளாட்சி நிா்வாகம் உரிய நடவடிக்கை எடுத்து உடைப்பினை சீரமைத்து குடிநீா் வீணாவதை தடுத்து நிறுத்த வேண்டும் என பொதுமக்கள் கோரிக்கை விடுத்துள்ளனா்.