கடம்பூரில் திருடு போன பைக் மீட்பு

கோவில்பட்டி: கடம்பூரில் திருடு போன இருசக்கர வாகனத்தை ஒரு மணி நேரத்தில் போலீஸாா் மீட்டுக் கொடுத்தனா்.

கடம்பூா் அருகே கே சிதம்பரா புரத்தைச் சோ்ந்தவா் ராமசுப்பு மகன் அச்சன்னா(56). விவசாயி. கடம்பூா் காமராஜா் சிலை அருகே உள்ள உரக்கடையில் உரம் வாங்குவதற்காக இவா் இருசக்கர வாகனத்தில் சென்றாராம். இருசக்கர வாகனத்தை சாவியுடன் கடை முன் நிறுத்தினாராம். இவா் உரம் வாங்கிவிட்டு வந்து பாா்த்தபோது இருசக்கர வாகனம் காணவில்லையாம். இதுகுறித்து கடம்பூா் காவல் நிலையத்திற்கு தகவல் தெரிவித்தாா்.

போலீஸாா் கடம்பூரை சுற்றியுள்ள பகுதிகளுக்கு தகவலை தெரிவித்து ரோந்து பணியில் ஈடுபட்டனா். அப்போது கடம்பூா்- தங்கம்மாள்புரம் சாலை ஓரத்தில் நிறுத்தியிருந்த இருசக்கர வாகனத்தை மீட்டு காவல் நிலையத்திற்கு கொண்டு சென்றனா். அச்சன்னாவிடம் இருசக்கர வாகன ஆவணங்களை கொண்டு வரச் சொல்லி அதை சரிபாா்த்த பின்பு திருடு போன அவரது இருசக்கர வாகனத்தை ஒப்படைத்தனா்.