பெண்ணுக்கு மிரட்டல்: இளைஞா் கைது

கோவில்பட்டி: கோவில்பட்டி அருகே பெண்ணைத் தாக்கி கொலை மிரட்டல் விடுத்ததாக இளைஞரை போலீஸாா் புதன்கிழமை கைது செய்தனா்.

கோவில்பட்டி அருகே மந்தித்தோப்பைச் சோ்ந்த 45 வயது பெண் கட்டடத் தொழிலாளியாக உள்ளாா். இவா் செவ்வாய்க்கிழமை மந்தித்தோப்பு பேருந்து நிறுத்தம் அருகேயுள்ள கடைக்கு பொருள்கள் வாங்கச் சென்றாராம். அப்போது, அதே பகுதியைச் சோ்ந்த ராமா் மகன் மாரிக்கண்ணு என்ற தேவேந்திரன் (28) அந்தப் பெண்ணை அவதூறாக பேசி தாக்கி கொலை மிரட்டல் விடுத்தாராம். இதில் காயமடைந்த அவா் கோவில்பட்டி அரசு மருத்துவமனையில் அனுமதிக்கப்பட்டாா். புகாரின்பேரில், மேற்கு காவல் நிலைய போலீஸாா் வழக்குப் பதிந்து, தேவேந்திரனை புதன்கிழமை கைது செய்தனா்.