தூத்துக்குடியில் பேருந்துகள் மோதல்: 12 மாணவா்கள் காயம்

தூத்துக்குடியில் தனியாா் பள்ளிப் பேருந்து மீது அரசுப் பேருந்து மோதிய விபத்தில் 12 மாணவா்கள் காயமடைந்தனா்.

தூத்துக்குடியிலிருந்து வியாழக்கிழமை காலை 9 மணிக்கு திருநெல்வேலிக்கு புறப்பட்ட அரசுப் பேருந்தை கனிராஜ் என்பவா் ஓட்டிச் சென்றாா்.

இப்பேருந்து தட்டப்பாறை விலக்கு அருகே செல்லும்போது, முன்னால் சென்று கொண்டிருந்த தனியாா் பள்ளி பேருந்து வளைந்து திரும்ப முயன்றபோது, அதன் மீது மோதியதாம். இந்த விபத்தில் பள்ளி வாகனத்தில் வந்த 12 குழந்தைகளும் லேசான காயமடைந்துள்ளனா்.

அவா்கள் மீட்கப்பட்டு 108 ஆம்புலன்ஸ் மூலம் தூத்துக்குடி அரசு மருத்துவமனைக்கு அனுப்பி வைக்கப்பட்டனா். 10 போ் சிகிச்சைக்குப் பின்னா் வீட்டுக்கு அனுப்பி வைக்கப்பட்டனா். 2 போ் மட்டும் சிகிச்சைக்காக அனுமதிக்கப்பட்டுள்ளனா்.

விபத்து குறித்து புதுக்கோட்டை போலீஸாா் விசாரணை நடத்தி வருகின்றனா்.