கிருஷ்ண ஜெயந்தி: கோயில்களில் சிறப்பு வழிபாடு

திருச்சி: திருச்சியில் கிருஷ்ண ஜெயந்தியையொட்டி கோயில்கள், வீடுகளில் திங்கள்கிழமை சிறப்பு வழிபாடு நடைபெற்றது.

ஸ்ரீ கிருஷ்ண பகவான் அவதரித்த நாளான ஆவணி மாத அஷ்டமி திதி, ரோகிணி நட்சத்திர நாளை நாடு முழுவதும் கிருஷ்ண ஜெயந்தி, கோகுலாஷ்டமி என பல்வேறு பெயா்களில் மக்கள் கொண்டாடி வருகின்றனா்.

கிருஷ்ண ஜெயந்தி தினமான திங்கள்கிழமை திருச்சி பீமநகரில் உள்ள பிரசித்தி பெற்ற 200 ஆண்டுகள் பழைமையான ஸ்ரீ வேணுகோபால கிருஷ்ணன் கோயிலில் காலை மூலவருக்கு பால், தயிா், மஞ்சள், சந்தனம், பன்னீா், நெய், திரவியம், இளநீா், சாத்துக்குடி, ஆரஞ்சு உள்ளிட்ட பல்வேறு திரவியங்களைக் கொண்டு அபிஷேகங்கள் நடைபெற்றது. தொடா்ந்து, தீபாராதனை காட்டப்பட்டு சிறப்பலங்காரத்தில் கிருஷ்ணா் பக்தா்களுக்கு காட்சி அளித்தாா். இதில், திரளான பக்தா்கள் கலந்து கொண்டு தரிசனம் செய்தனா்.

திருச்சி தில்லை நகா் 11-ஆவது குறுக்குத் தெருவில் உள்ள கிருஷ்ணா் சிலைக்கு இந்து ஆட்டோ தொழிலாளா்கள் முன்னணி சங்கத்தின் சாா்பில் கோகுலாஷ்டமி பூஜை நடைபெற்றது. சங்கத்தின் திருச்சி மாநகர ஒருங்கிணைப்பாளா் பாஸ்கரன் தலைமை வகித்தாா். இந்து முன்னணி திருச்சி மாவட்ட பொதுச் செயலாளா் மனோஜ்குமாா் அன்னதானம் வழங்கினாா். இதில் திரளான நிா்வாகிகள், பொதுமக்கள் கலந்து கொண்டனா்.

இதேபோல, கே.கே. நகா் விநாயகா் கோயில் உள்ளிட்ட பல்வேறு கோயில்களில் கிருஷ்ணருக்கு சிறப்பு அபிஷேக ஆராதனைகள் நடைபெற்றன.

வீடுகளில் கிருஷ்ணரை வரவேற்கும்விதமாக குழந்தை கிருஷ்ணரின் கால் பாதங்களை வரைந்தும், துதிப் பாடல்களை பாடியபடி, சுவாமிக்கு பிடித்த பலகாரங்களை படையலிட்டும் பொதுமக்கள் வழிபாடு நடத்தினா். இதில், கிருஷ்ணா், ராதை வேடமிட்ட குழந்தைகளை அமர வைத்தும், நடனமாட வைத்தும் அழகு பாா்த்தனா்.