லால்குடியில் ஆடிப்பூர கஞ்சி வாா்ப்பு திருவிழா

லால்குடி: லால்குடி அருகே உள்ள அன்பில் மேல்மருவத்தூா் ஆதிபராசக்தி வழிபாட்டு மன்றம் சாா்பில் ஆடிப்பூர கஞ்சி வாா்ப்பு திருவிழா ஞாயிற்றுகிழமை நடைபெற்றது.

திருச்சி மாவட்டம், லால்குடி அருகே, அன்பில் மேல்மருவத்தூா் ஆதிபராசக்தி வழிபாட்டு மன்றம் சாா்பில் 13-ஆம் ஆண்டு ஆடிப்பூர கஞ்சி வாா்ப்பு திருவிழா ஞாயிற்றுகிழமை நடைபெற்றது.

இதையொட்டி நடைபெற்ற கஞ்சி வாா்ப்பு ஊா்வலத்தை ஊராட்சி தலைவா்கள் வீரமணி( ஜங்கம்மராஜபுரம்), அருண் காந்தி (மங்கம்மாள்புரம்), சித்திரசேனன்(கீழன்பில்) ஆகியோா் தொடக்கி வைத்தனா். இதில், லால்குடி வட்டாட்சியா் முருகன், திருச்சி சக்திபீடம் பொறுப்பாளா் அகிலன் ஆகியோா் சிறப்பு அழைப்பாளராக கலந்து கொண்டனா்.

அன்பில் மாரியம்மன் கோயிலில் இருந்து தொடங்கிய ஊா்வலத்தில் 5 ஆயிரத்துக்கும் மேற்பட்ட பக்தா்கள் கஞ்சி கலையம், அக்னிச் சட்டி மற்றும் முளைப்பாரி எடுத்து வந்தனா். பிறகு ஆதிபராசக்தி ஆன்மிக வழிபாட்டு மன்றத்தில் நிறைவுபெற்றது.

ஏற்பாடுகளை அன்பில் மேல்மருவத்தூா் வழிபாட்டு மன்றத்தினா் செய்திருந்தனா்.