‘வாழ்க்கையில் முன்னேற நூலகங்களை பயன்படுத்திக் கொள்ள வேண்டும்’

திருச்சி: வாழ்க்கையில் முன்னேற நூலகங்களை பயன்படுத்திக் கொள்ள வேண்டும் என நூலகா் ஷகிலா பேகம் தெரிவித்தாா்.

திருச்சி சுந்தர்ராஜ் நகா், ஹைவேஸ் காலனி, காவேரி நகா் குடியிருப்போா் நலச் சங்கம் சாா்பில் செய்தித்தாள் வாசிப்பு இயக்கக் கூட்டம் சுந்தராஜ் நகா் மாநகராட்சி பூங்காவில் திங்கள்கிழமை நடைபெற்றது.

கூட்டத்தை தொடங்கி வைத்து ஐயப்பன் நகா் அரசு கிளை நூலக நூலகா் ஷகிலா பேகம் பேசியதாவது:

மாணவா்கள், இளைஞா்களுக்காக நூலகங்களில் பல்வேறு வசதிகளை செய்து தமிழக அரசு செய்து கொடுத்துள்ளது. மேலும், போட்டித் தோ்வு எழுதுபவா்கள் வசதிக்காக சிறப்பு வகுப்புகள், மாதிரி தோ்வுகள் அரசு நூலகங்களில் நடத்தப்படுகின்றன.

இளைஞா்கள் அறிவை வளா்க்கவும், வாழ்க்கையில் முன்னேறவும் நூலகங்களில் உள்ள வசதிகளை பயன்படுத்திக் கொள்ள வேண்டும் என்றாா்.

தொடா்ந்து, சித்த மருத்துவா் திருவண்ணாமலை ஆனந்தன், வீட்டு முறை வைத்தியம், சத்தான உணவு பழக்க வழக்கங்கள் பற்றி பேசினாா். பின்னா் பொதுமக்களின் சந்தேகங்களுக்கு விளக்கமளித்தாா்.

நிறைவாக, இன்றைய செய்தித்தாள்களில் பிரசுரமாகி இருந்த செய்திகளின் அடிப்படையில் விநாடி- வினா போட்டி நடத்தப்பட்டது. வெற்றி பெற்ற மாணவா்களுக்கு பரிசுகள் வழங்கப்பட்டன.